اااااااه ....انا فعلا حزينة علي الكمياء العضوية

3
0



الكمياء العضوية دا فرع من فروع الكمياء اللي كنا بندرسها في مرحلة الثانوي وللاسف كانت مسببة مشكلة كبيرة جدا لكثير من طلبة الثانوية العامة علمي ....

بس مش هو دا اللي مزعلني انا كنت بحبها جدا كان فيها معلومات قيمة جدا وكنت استطيع ان احضر مركب من اخر بعامل تحفيز واستخدام عوامل مساعدة .... بس للاسف ديلوقتي لا اذكر اي تفاصيل عنها لا البسيط جدا ... طيب ليه ليه هو المفروض ان الواحد يدرس الحاجة يحفظها ويمتحن وينجح وبعدين تترمي في الزبالة طيب لما هي مالهاش لازمة في حياتنا كنا بندرسها ليه تعقيد وخلاص انا نفسي اعرف المسؤولين عن وضع المناهج الدراسية هدفهم من الحشر اللي الاولاد بتاخذه ايه مجرد الفزلكة ووجع الدماع .... كل دا بقوله وانا فعلا حزينة لاني كنت بحبها جدا وكنت اتمني اني استخدمها في حياتي بعد كدا بس الموضوع حاليا لا يتخطي H2O مياه H2SO4 حمض كبريتيك .

تذكرة بقي بالكمياء اللي كنا بناخدها



مين الشاطر بقي اللي يعرف يجاوب :

المركب الناتج عند اختزال البروبانال :
أ. حمض بروبانويك ب. 1ـ بروبانول ج. 2ـ بروبانول د. بروبانون

ب) حدد كلاً من العامل المؤكسد والعامل المختزل في المعادلة الآتية :


ادرس مخطط التفاعلات الآتي , ثم أجب عن الأسئلة التي تليه :

1. اكتب الصيغ البنائية لكل من المركبات العضوية : D , C , B , A في المخطط السابق .
2. أذكر نوع التفاعل الذي حول المركب (A) إلى المركب CH3CH = CH2 في المخطط السابق .



يلا يا مهندسين ... يا دكاترة ... يا صيادلة :( :( :(

 

التعليقات

الباشمهندسة منذ 8 عام
علي فكرة الاسئلة اللي فوق دي تافهة جدا احنا لو جبنا عيل 14 او 15 سنه يحلها .. مش بالذمة عيب اللي حصل وبيحصل فينا دا 😃 😃
زغباوية منذ 8 عام
الحمد لله ماقولتيش ياستات البيوت او يا مدرسين الرياضيات 😃
Fayez Eneim منذ 8 عام
الأهم متابعتنا لتطور العلم ذاته والذي سيغير ما سيدرّس بالمدارس وسيصبح علم الكيمياء الجزيئية كذلك الحال في علمى الفيزياء والأحياء.
Menem منذ 8 عام

العلم اذا لم يستخدم تطبيقيا طبعا لازم يتنسى .. اللغة الاجنبية اذا لم تستخدم تخاطبا بتضمحل .. العضلة التى لا تستخدم ترتخى وتضمر ..هو بيديكى المواد اللى تنفعك لو التحقت بكلية بذاتها .. وده طبعا خطأ منهجى ..زى ما مكاتب التنسيق غباء منهجى !!
Fayez Eneim منذ 8 عام
هناك ضرورة دائماً لوجود مقياس ما يحقق العدل.
Menem منذ 8 عام
مقياس العدل هو اختبارات القدرات الطبيعية وليس كم الدرجات المحصلة بدروس التلقين ..
Fayez Eneim منذ 8 عام
الأسئلة الذكية تتولّى اختبار العقل سواء كانت شفوية أو تحريرية.
زغباوية منذ 8 عام
انتوا كدا دخلتوا فى موضوع مهم جدا وهو التعليم واللى بيخرج لنا اسطمبات شبه بعضها لو سالتهم سؤال سهل بس برة المنهج يغرقوا فى شبر ماية
Fayez Eneim منذ 8 عام
كان أساتذة جامعة عين شمس (الهندسة) يقولون لنا كطلبة: إطمئنّوا، بعض الأسئلة نضعها ليستطيع الحُفّاظ الحصول على المقبول ويمر للسّنة التالية، لكن باقي الأسئلة تكون فقط بقدرة الفاهمين فقط وفهمهم فقط -ليس الحفظ- يوصلهم للامتياز والتفوّق. هذا ما قصدت بالذكية. وألفت انتباهكم أن التفوق يأتي من الخروج عن محدودية الكتب المدرسية و المراجع الجامعية المحددة من المنظومة. إشارة صغيرة: لم أكن أشتري أي مرجع ذكره الدكتور بل منشورات حديثة في ذات العلم. وصلت؟
زغباوية منذ 8 عام
وصلت
zedony.com - A mmonem.com production. Privacy Policy