النظام حلو بردو حتي في وقت الراحة

3
1
دا رسم بياني بيوضح كيفية تقسيم وقت الفراغ او الراحة باسلوب يجعلك تمارس فيه الكثير من الانشطة.

تعالوا ندرس الرسم البياني مع بعض




الملاحظات

الوقت لايتعدي 5 ساعات يوميا... حاجة جميلة خالص بس هما فين :(

اللي عمل الدراسة دي مافوتش حاجة ماسبهاش يعني الرغي في التليفون 38 دقيقية ... انا بردو بتكلم في التليفون 38 دقيقة بس احيانا بزود ساعتين تلاتة في اليوم لكن دا مابيمنعنيش من اني امارس باقي الانشطة بردو وانا بتكلم :(

وقت مشاهدة التليفيزيون ثلاثة ساعات الا ربع تقريبا ... دا بالنسبة لينا حلو جدا دا حتي المسلسلة بتكون ساعة الا ربع وساعتين اعلانات :(

اللعب علي الكمبيوتر 25 دقيقية ... بس عشان الخلايا العصبية عندنا ماتتدمرش اكتر من كدا:(

اهم حاجة بقي عجبتني انه مخصص 18 دقيقة قراءة و 17 دقيقة تفكير وتأمل طبعا في جميع امورنا الحياتيه.

ولم ينسي ممارسة الرياضة 19 دقيقية ودي مهمة طبعا وبالذات السيدات عشان الحفاظ علي القوام المثالي.


بالمناسبة تحليلي لهذا الرسم البياني ليس بصورة تهكم عليه بالعكس تماما انا عجبني جدا انه لم ينسى شئ في تحليلة الفكرة كلها ان لم اتخيل ان ممكن النظام يستغل بهذة الصورة الدقيقة وان لو كل واحد بغض النظر عن هذا التحليل او الالتزام به نظم وقت فراغه هيقدر يمارس هوايات وحاجات كثيرة لا يتسني له ادائها احيانا بالسنوات .

والفكرة قد تكون صعبة في البداية ومرهقة لكن مع الوقت تتحول الي عادات صحية منها القراءة والرياضة والتقليل من العادات الغير صحية زي مشاهدة التلفاز وكثرة التحدث في التليفون ... وطبعا ممكن الاستعانة بواسائل التكنولوجيا الحديثة زي منظم الوقت او الموبايل اللي ممكن نحط فيه منبهات لبداية وانتهاء نشاط معين.


دعوة مفتوحة لمحاولة تطبيق هذة الفكرة في تنظيم الفراغ
طبعا كثير بيعملوا ساعات طويلة وكثير منا عنده ابناء والاهتمام بهم قد يأخذ جزء كبير من اوقتنا ولكن علي المرء ان يحاول وليس عليه ادراك النجاج

الاصرار هو بداية النجاح وبلاش يكونوا 5 ساعات يكفي 3 ساعات متفرقة علي مدار اليوم جزء مخصص للقراءة وجزء رياضة والباقي رغي في التليفون:D :D


 

إضافة منذ 8 عام
الكاتب الأصلي
تعديل منذ 8 عام

المصدر

الرسم البياني فقط ... atlantic.com

التعليقات

زغباوية منذ 8 عام
هايل...........النظام حلو في كل وقت
محمد عبد المنعم منذ 8 عام
الرسم ده أمر واقع وليس تخطيط
zedony.com - A mmonem.com production. Privacy Policy