ما حدش يتدخل فى شئوننا الداخلية .. لو سمحتم

5
0
انا مش باتكلم على مصر .. انما على الاسرة المصرية اللى بتتعرض للانهيار بسبب تدخل الآخرين الذين يتطفلون ويدعون انهم يحافظون على كيانها ..

اكيد كتير مننا يعرف حالات من دى ..لذلك ارجو من الحموات المحترمات الامتناع عن محاولات الاصلاح لما لا يحتاج الى اصلاح .. لانه ليس هناك عطب اصلا .. انما النزعات البشرية فى التسلط عل الآخرين تدفع الحموات الحمقاوات الى افساد ابنائهن او بناتهن بحجة شدة حبهن فيؤول الحال الى مثل ما فعلت الدبة التى تحب صاحبها كثيرا حتى انها لم تتحمل ان تقف الذبابة على وجهه فما كان منها الا انها القت بالحجر على الذبابة فطارت الذبابة ومات الرجل ..

فارجو من الامهات الحموات ان يرشدن الحب قليلا ويمتنعن عن التطفل على حياة اولادهم .. وشكرا لمن يعمل بالنصيحة .. ولعن الله من سد اذنيه وعينيه عنها !!!

 

المصدر

تجارب البشر الحمقى

التعليقات

محمد عبد المنعم منذ 8 عام
عاجبني قوي مصدر المقال!
الباشمهندسة منذ 8 عام
ربنا يهدي الناس جميعا ازواج وزوجات وحماوات 😞
زغباوية منذ 8 عام
100 100 ان شاء الله نعلق بكرة
زغباوية منذ 8 عام
اولاً تصفيق حار على هذه المقالة لان فعلا بتدخل الحموات والأصدقاء ايضاً تفسد الحياة الزوجية
بس ليا تعليق : هو مش بيكون تسلط اكتر مابيكون خوف على الابناء وعدم ثقة فيهم انهم مش عارفين يتصرفوا
وكلمة لكل حما وحماة:
1- صاحبوا زوجة ابنك او زوج بنتك وعاملوهم احسن من اولادكم واعلموا انه سوف يرجع لاولادكم في الاخر سواء معاملة حلوة او سئية

2- عاملوا ابنائكم امام ازواجهم باحترام وحب لان كما تعاملوهم هايعاملهم ازواجهم

3- لا تسمحوا لهم ان يحكوا لكم تفاصيل حياتهم او مشاكلهم لانهم سينسون ويعيشوا حياتهم بشكل طبيعي وانتم لأ هاتفضلوا شايلين منهم وهاينعكس هذا على معاملتكم معهم

4- لو حكى لكم ابنائكم واضطررتم للتدخل...تدخلوا باسلوب حكيم وعاقل يقرب ولا يفرق
5- لاتهينوا ازواج ابنائكم امام ابنائكم لان ذلك يؤثر سلبياً على ابنائكم

5- اشغلوا وقتكم باشياء شخصية لكم وباشياء مجتمعية تبعدكم عن ابنائكم ومشاكلهم

وكلمة لكل زوج وزوجة
- لاتسمحوا لابائكماو اصدقائكم بالتدخل فى حياتكم انتوا كبرتوا خلاص وكل واحد مسئول عن بيته ومستقبله وكل بيت له اسرار فلا تفشوا اسراركم حتى ولو على سبيل الحكاوى لاقرب الناس لكم

- لا تشتكوا لابائكم من ازواجكم فانتم ستنسون وهما لا.... طوووووووول العمر

- دوماً طمنوا ابائكم على احوالكم حتى وان ساءت

- لكل شخص نقاط ضعف وقوة ومفاتيح للشخصية وبعد وقت من الزواج يصبح كل طرف على معرفة بهذه النقاط ويعرف كيف يتعامل معها كل شخص غير الأخر وممكن تطبيق نصيحة من صديق او جار او حتى والدين اطبقها تبوظ حياتى وتهدمها
زغباوية منذ 8 عام
معلش اسلوب كتابتى مش حلو اوى شكل لغتى صدت شوية ومحتاجة تليين 😞
محمد عبد المنعم منذ 8 عام
صقفة قوية للزغباوية
زغباوية منذ 8 عام
شكراً شكراً
د/الزغبي منذ 8 عام
دلوقت اقدر اقول عليك زغباوية بدجة امتياز هنيئاُ لك باللقب عن جدارة..... احمد
زغباوية منذ 8 عام
ماشي الموضوع عام والعالم كله بيشوفه مش لاعضاء زيدونى فقط لانه مهم وبيحصل كتير والحمد لله عدد الاطلاعات عليه كتيرة في وقت قليل
الباشمهندسة منذ 8 عام
بلاش نميمة يا Menem ودع الخلق للخالق 😞

وايه العظمة دي دا زغباوية

وربنا يصلح حال الجميع والبلد تستقر وبعدها الحكم وبعد الوزارات وبعدها المديرين وبعدها الموظفين اللي هما ازواج وزوجات واباء وامهات وبعدها بقي هتستقر النفوس ووراها طوالي هتستقر الاسر والبيوت ونعيش عيشة هنية كلنا ... والسلام عليكم ورحمة الله وبركاته
زغباوية منذ 8 عام
شكراً يابشبشة بس انا مش معاكى المفروض يتعكس الكلام لو الأسرة مظبوطة وصالحة هاينصلح حال المجتمع كله لان الاسرة زى ما قُلتى هى الموظفين والموظفات والوزراء اللى هما مسئولين عن البلد واللى بيهم لما ينشئوا صالحين هاتنصلح البلد ...يعنى الأسرة هى الأساس
zedony.com - A mmonem.com production. Privacy Policy