بالفيديو والصور.. السيارة الطائرة الحل الوحيد لزحام الطرق

3
0

أتم مصمم السيارة الطائرة أول رحلة تجريبية من نسخته "أيروموبيل 2,5"، أحدث نموذج أولى للسيارة الطائرة التى كان يعمل على تطويرها خلال الـ20 عاما الماضية.

مع طائرة Aeromobil يمكنك الآن القيادة على الأرض وفى الجو فى آن واحد، وعلى الرغم من أن هناك عدة مشاريع لتصميم سيارة طائرة من قبل بعض الشركات إلا أن الطائرة تمثل نقلة نوعية فى عصرنا الحالى.




وتزن السيارة حوالى 450 كجم فقط وتتسع لشخصين ما يميز هذه السيارة الطائرة أنها لا تحتاج إلى الوقود الخاص بالطائرات بل من الممكن تزويدها بوقود مثل باقى السيارات وتصل سرعة هذه السيارة الطائرة 200 كم/ ساعة فى الهواء و160 كم/ساعة على الأرض.
ويقول المصمم ستيف انكلاين إن التصميم الحالى قريب للغاية من نسخة الإنتاج 0ر3 التى يأمل فى طرحها للإنتاج قريبا.

وكانت النسخ السابقة أشبه بصندوق فى المظهر وأقل تطورا من الناحية التقنية.
وتشير الدعاية للسيارة إلى أنها تعمل بشكل عادى مع حركة المرور وكطائرة يمكنها الإقلاع والهبوط فى أى مطار فى العالم.








المصدر:
http://www.cairodar.com/news/details/81836

 

التعليقات

الباشمهندسة منذ 8 عام
فينك يازغباوية تشوفي افكارك بتتسرق 😞
safaa منذ 8 عام
ايه دة هو فى حد كتبها غيرى ولا ايييييه
Menem منذ 8 عام
انت ما تعرفيش ان بنتك من زمان بتعمل اراجوزات ورق وطيارات وعرايس قماش ..!! واهى بقت بتعمل عربيات طائرة !!!
زغباوية منذ 8 عام
ياباشمهندسة يافهمانى
لو تتابعوا الموضوع ده هاتلاقونى كاتبة فى اول اجابة الفكرة دى بس فكرتى ابسط بكتير فكرتى مش اننا نصمم سيارة من اولها ونكلف الناس لأ...
الفكرة:
اننا نخترع موتور او ماكينة من امكانيات البيئة المتاحة تتركب على سيارة الموجودة عند كل واحد وتخلى السيارة تطير بارتفاع معين حتى تتمكن من الهروب من الزحمة او لو حد مستعجل جداً او عنده ظروف يطير بيها بتهيألى كدا تكلفتها مش هاتكون زى تكلفة سيارة جديدة وبتطير كمان

بس انتوا مش واخدين بالكوا انى كنت بقول حاجات شديدة اوى ولا ايه لأ وبدأ الناس ينفذوها ؟؟؟؟؟
هو ده:

Menem منذ 8 عام
شوفتى بيقول لك قعد 20 سنة لما عملها .. لكن انت لسه بتفكرى .. فلما تعملى بعد40 سنة يكون هو عمل ايه ؟؟؟؟؟؟؟؟؟؟؟؟؟؟؟؟؟؟؟؟!!!! الواقعية أم الحكمة
زغباوية منذ 8 عام
علشان هو صنعها من الالف الى الياء انا مش عايزة كدا انا عايزة مثلا موتور قوى وريش مروحة هليكوبتر وخلاص 😞
Menem منذ 8 عام
طب دى سهلة جدا !! هتروحى وكالة البلح تدورى على الموتور والمراوح وتحطيهم فى نص نقل وتروحى على بنها تجمعيهم فى الحتة الفاضية اللى قدام بيتكم .. بس امانة اول طلعة تكونى جايبة معاكى الكفتة من طوخ .. بس بالراحة حتى لا تفزعى الكبابجى وانت بتنزلى قدام المحل .. هيفتكروها مركبة فضائية ..ايه الخيال ده يا جدعان !!!!
HoSSaM منذ 8 عام
أحلامك طلعت أونطه يا زغباويه والعربية دى ولا ليها أى لازمه فى الزحمه
لأن وفقاً للموقع الرسمى http://www.aeromobil.com بيقولك عشان العربيه تطير لازمه توصل سرعتها 140 كم/س ودا دور المحرك الخارجى فى نهاية السياره

خيرها فى غيرها 😞
زغباوية منذ 8 عام
هههههههههههههههههههههههههههه menem انا عليا التفكير وممكن كمان الكفتة لكن التجميع ده بصراحة مش فاضية دلوقتى وممكن اسمح لاى حد عنده الشجاعة الكافية انه يقتبس الفكرة ويعملها 😞
حساااااام عربيتى انا اللى فى احلامي مش محتاجة كل السرعة دى وهى واقفة نقدر نرفعها الارتفاع المناسب وتعدى الزحمة وترجع تنزل فى هدوء وسلام 😃
HoSSaM منذ 8 عام
ساعتها برضو هتلاقى حد معاه نفس عربيتك وتعملوا زحمه فى السماء 😃
زغباوية منذ 8 عام
😃
zedony.com - A mmonem.com production. Privacy Policy