ازاى تحافظى على خضارك من العفن فى درج التلاجة وتحتفظى بيه اطول وقت ممكن
اشترى الخضار
طماطم وخيار وكوسه وفلفل و و و...
بعد كده هاتى درج التلاجة بتاعتك و افرشيه بقماش بس تكون قطن
و حطى الخضار بعد كده من غير اكياس
ليه بقى عملنا الحكاية دى
بسبب ان الخضار بيتنفس طبعا و الرطوبه بتكثف الهوا و بتعمل ميه على جدران الدرج
بتبقى مأساااه
و بكده مش هيبقى فيه نقطة ميه فى الدرج و مش هيبقى فيه عفن
فى كمان فكرة للخضرة اللى مش بنستغنى عنها علطول فى البيت
النعناع والبقدونس والجرجير الخ الخ
اغسليهم كويس جدا جدا
علشان يكونو جاهزين للاستخدام
و بحطهم فى علب بلاستيك بتاعة التلاجه
لكن برضو حطى فى قعر العلبه
اما ورق أبيض نضيف او حتة قماش قطن نضيفه
علشان ميكنش فيه رطوبه فى العلبه والخضره تدبل وتصفر
وبردو هتقعد معاكى اربع ايام فى التلاجه كانها لسه طازة
::::مريم:::::
