الجيش يسهم بـ5 مليارات جنيه في بدء تنفيذ محور «روض الفرج» يناير المقبل

عايزين من المحاور دى كتير وكمان فى طريق مصر اسكندرية الزراعى اكيد هايفرق فى تقليل الزحمة ووقوف الطريق ساعات طويلة

الخبر كامل من الرابط :
قال اللواء محمد ناصر، رئيس الجهاز المركزي للتعمير، التابع لوزارة الإسكان، الجمعة، إن الجهاز، بالتعاون مع الهيئة الهندسية بالقوات المسلحة، سيبدأ في تنفيذ مشروع محور روض الفرج، الذي تأخر تنفيذه نحو 5 سنوات، بتكلفة إجمالية 7 مليارات جنيه، منها 5 مليارات لتنفيذ المحور بتمويل كامل من القوات المسلحة، و2 مليار جنيه قيمة نزع ملكية الأراضي التي سيمر بها المحور، وستدبرها الحكومة للوزارة.

وأضاف لـ«المصري اليوم» أن التنفيذ سيبدأ مع بداية يناير المقبل، بطول 30 كيلو متراً، وستحصل القوات المسلحة على الطريق كحق انتفاع، أسوة بما تم في طريق العين السخنة، وسيكون طريقاً حراً، يربط طريق «مصر- الإسكندرية» الصحراوي حتى الدائري الذي يؤدي إلى التجمع الخامس بمدينة نصر.

وتابع: «سيتم تنفيذ نحو 25 كيلو من الطريق وتأجيل الباقي لحين تحديد هيئة المساحة لحجم الأراضى التي سيتم نزع ملكيتها»، وأشار إلى أن الطريق سيبدأ من الكيلو 39 بطريق «مصر- الإسكندرية» الصحراوي عند مدخل مدينة الشيخ زايد، في اتجاه ميدان الخلفاوي بشبرا، مروراً بشارع ترعة الإسماعيلية، ويغطي المحور مناطق محور منشية الجمل والزاوية الحمراء وكوبري القبة، والدائري والمنصورية والمريوطية والمنطقة الصناعية بأبو رواش والطريق الصحراوي.

ولفت رئيس الجهاز المركزي للتعمير إلى أن المحور سيخترق مناطق تتبع القوات المسلحة، تنازلت عنها للصالح العام، لتنفيذ المحور الذي سيسهم في سيولة مرورية كبيرة وسيخفف المرور من «الدائري» ومحور 26 يوليو للقادمين من شبرا لمدن الشيخ زايد و6 أكتوبر والطريق الصحراوي.

الاخبار المفرحة بترفع من الروح المعنوية للشعب فيقبل اكثر واكثر على العمل .. يارب سهل وبارك

لما يخلص بإذن الله.
- اللى رايح 6أكتوبر أو الصحراوى من شمال وشرق العاصمه مش هيضطر يدخل وسط البلد والزمالك والمهندسين عشان يطلع محور 26 يوليو

مع إنه هيزود الكثافه المروريه فى شبرا

المحور دا كان المفروض هيخلص فى 2012 وكان ضمن برنامج مبارك الأنتخابى فى 2005 بس بعد الأنهيار اللى حصل فى محور 26 يوليو نتيجة أنخفاض مستوى التربه تحت بعض أجزاءه أنهيار للتربه بسبب أنها كانت أراضى زراعيه مبارك أصدر قرار بإيقاف تنفيذ باقى المحاور الـ7 لحين إعادة دراسة طبيعة الأراضى التى كانت ستحل أزمة المرور فى القاهره سنة 2020 فى حالة أنشائها جميعاً
ومنها 6 خطوط مترو أنفاق 5 لربط العاصمه وخط كامل فى الشيخ زايد

معلومات جديدة تشكر عليها

وهما مستنيين يدرسوا طبيعة الارض بعد مايعملوا مشروع بملايين الجنيهات وينهار ولا المفروض يتدرس دراسة وافية قبل البدء فيه اصلاً مش كل ده من فلوس ودم الناس ولا ايه؟؟؟؟؟؟ ومش هو ده الفساد واستخدام سئ لموارد البلد والاموال العامة ولا ايه؟؟؟؟؟؟؟؟
وبعدين مبارك ماحاسبشس المسئولين عن الانهيارات وعدم الدقة دى ليه ولا هو مستني يُقع ويوقع البلد وبعدين نقول اه ده كنا هانعمله!!!!!!!!!!!!!!!!!

من غير ظلم يا زغباويه
الأنهيارات الأرضيه من الكوارث الطبيعيه مش من صنع البشر بس اللى حصل تحديدا فى محور 26 يوليو سنة 2008 كان تصدع فى جسم المحور وشركة المقاولون العرب هى اللى أنقذت المحور من الأنهيار بعمل دعامات أرضية وجُدر خرسانيه لتفادى الموضوع مستقبلاً

- أما موضوع الحساب فـأعتقد إن شركة حسن علام المنفذ لمشروع المحور تحملت كافة اعمال الصيانه والتجليد دون أدنى عبئ ع خزينة الدوله
- دا غير إنها أتسحب منها تنفيذ باقى محاور الدائرى وأسند بالأمر المباشر لشركة المقاولون العرب وشوفنا دا فى محور صفط اللبن ومحور المريوطيه.

شكراً على التوضيح وأاسف على الظلم بس السبب الرئيسي في هذا الظلم مانراه من فساد في كل مكان وعدم مراعاة مصلحة البلد وعدم اتقان العمل من جهات عديدة واشخاص كتيرة في المجتمع وسببه الاساسي عدم معاقبة المسئولين بطريقة حاسمة ومرئية لباقي الشعب علشان الغلط مايتكررش