فى الريجيم .....دلعي نفسك وكلى اللى فى نفسك

2
0
واحنا بنعمل ريجيم طبعاً الاكل بيكون مسلوق او سلطة او مشويات وبيكون هو هو نفس الاكل وطعمه مايع ويسد النفس اصلاً وانا بحب ادلع اللى بعمله علشان بحب الأكل :) وكمان اكلى يكون صحى ومتجدد

والوصفتين دول من اختراعاتى الشخصية

1- سلطةبمكونات حارقة للدهون وتملا المعدة:

خيار- كرفس- كرنب ابيض واحمر(بنفسجي)- خس بلدى او خس كابوتشا- بعض حبات الطماطم الشيري (او طماطماية واحدة)- بروكلي (إن وجد انا للأسف ماكنش عندى وانا بصور) وقليل من الملح والكثير من الليمون والخل ولو تحبي كمان كمون

2- فراخ بالخضروات المتاحة:
طبعا فى الريجيم الفاصوليا والكوسة حاجة اساسية لاحتوائهم على الالياف ولانهم بيساعدوا على الحرق وطبعاً مسلوقين بيكونوا حاجة صعبة جدا

اللى انا عملته بقى :
فراخ بالكوسة والفلفل:
- جبت صدور الفراخ المُقطعة مكعبات او شرائح وتبلتها بالملح والليمون والكرفس والزعتر والقرفة وقليل من الزنجبيل

- وسخنت الحلة بدون وضع زيت او اى دهون وبعدين حطيت الفراخ فى الحلة ثوانى كدا لحد ماغيرت لونها وبعدين قلبتها على الناحية التانية وبعد كدا هديت النار وسبتها لما نزلت مايتها وشربتها إلاقليل بتاخد سوا حوالى من 15 - 20 دقيقة

-وبعد كدا اضفت الكوسة المقطعة وتركتها تستوى مع الفراخ بتاخد حواى من 10 الى 15 دقيقة لغاية لما الكوسة تستوى (مش اوى علشان ماتتهريش) وممكن اضيف ملعقتين ماية علشان ماتتحرقش

- اضيف بعض الكرفس الاخضر

- بعد كدا اشيلها من على النار واضيف الفلفل الوان بس مش كتير يعنى تقريباً نصف فلفلة

- لو بتحبى الطماطم عليهم يمكن اضافة بعض الطماطم الشيرى او قطعى نصف طماطماية عليهم

- اضفت قليل من الزيتون الشرائح لاضافة نكهة للفراخ او مثلا 4 حبات زيتون مقطع

-اقلبهم واغطى الحلة واتركهم على النار مرة اخرى 3 دقائق فقط علشان يحصل تجانس ويمكن اضافة ملعقة صغيرة ماية لو احتجت

يارب تكون وصفاتى عجبتكم
وبالهناوالشفا
زغباوية
(رانيا عبد المنعم) {{uf:2030}} {{uf:2031}}

 

التعليقات

safaa منذ 7 عام
اول مرة اعرف انك بتحبى الاكل 😞
زغباوية منذ 7 عام
😞
زغباوية منذ 5 عام
طوووووووووول عمرى 🙂
zedony.com - A mmonem.com production. Privacy Policy