فكرة بسيطة ...بس للى عايز يحل مشكلة توقف القطارات

2
0
اتفرجت امبارح على برنامج بيتكلم عن وقف حركة القطارات وماتبعها من مشكلة على الطرق السريعة وغلوا فظيــــــــــع لقيمة المواصلات بدل ما الدنيا واقفة وأجرة الميكروباص زدات اضعاف

معلش هانتعب الشرطة معانا

ايه المشكلة لما يرجعوا حركة القطارات حتى بين المحافظات الكبيرة او البعيدة فقط يعني بلاش القشاش لو صعب عليهم وبهذه الطريقة لو خايفين من القنابل والحجج الصعبة دى المشكلة هاتتحل

وانا بكرر تاني نعملها حتى بس بين المحافظات البعيدة زى القاهرة اسكندرية (كمثال)

الفكرة
لما كل الركاب يدخلوا رجال الشرطة يعدوا على كل عربية وماسكين فى ايديهم الة الكشف عن المعادن او الالات الحادة او المتفجرات وبتهيألى دى موجودة عندهم ويفتشوا القطار كله ولما يقف فى اى محافظة يفتشوا تاني

هاتقولولي القطار هايتاخر
ايه المشكلة لما يتاخر القطار نصف ساعة فى كل محافظة ماهو كدا كدا الناس بتتاخر فى الطريق السريع بالساعات وبدل الخسائر الفادحة لهيئة السكك الحديد اللى كانوا بيحكوا عنها

ياريت اللى ماسكين البلد يحسوا بالناس شوية ويفكروا بجدية الناس فعهلاً مش متحملة

 

إضافة منذ 11 عام
الكاتب الأصلي

التعليقات

الباشمهندسة منذ 11 عام
علي فكرة المشكلة مش في الركاب انتي كدا مش شايفة المشكلة من كل جوانبها ... المشكلة علي خطوط السكة الحديد نفسها هي اللي بتبقي ملغمة وطبعا حتي لو تم عمل مسح يومي عليها مش هيحطوا عسكري كل 500 متر عشان يمنعوا اي حد يضع مفرقعات في طريق القطر .... فهمتي بقي يعني لو حتي كانت المشكلة في القطر نفسة وانه يتم عمل مسح عليه وعلي الركاب كانت تبقي هينة ولكن علي طول 200 كيلو خط مصر اسكندرية ما تضمنيش اي كيلو فيهم في حتة مقطوعة ممكن يكون ملغم ودا من باب الاعمال الارهابية وترويع المواطنين لانها هتسمع جامد جدا ضحايابالمئات يعني لو عربية ولا اتوبيس هتبقي الضحايا عشرات لكن مع القطر هتوصل مئات الضحايا والجرحي
زغباوية منذ 11 عام
ااااااااااه فاتت عليا دى ماخدتش بالي من الموضوع ده خالص شكرا للتوضيح...بس برضوا لو فيه حد بيفكر اكيد المشكلة هاتتحل حتى لو يدوا الموظفين اجازة نصف الموظفين يروحوا والنصف الاخر اجازة واليوم التالى العكس ...معلش بقى الواحد زهق من كتر اللى بيحصل وعايز البلد تتظبط وحال الناس يتعدل وللاسف احنا من سئ الى اسواء وربنا يصلح الحال
zedony.com - A mmonem.com production. Privacy Policy