شوف اقرب مدرسة حكومة ابتدائي او اعدادي واسألهم عن الطلبة المهددة بالفصل لعدم سدا المصروفات .. المصاريف دي ممكن تكون 40 جنية أو حتي 100 جنية ..مش معقول يكون هو ده الثمن اللي بيتوقف عليه مستقبل طفل مصيرة انه يمسح العربيات او في ورشة او مصير طفلة تخدم في البيوت ... ادفع لطالب او اتنين وشجع ناس تعرفهم علي تكرار دا وواحدة واحدة مش هيكون هناك متسربين من التعليم ومش هيكون فيه اطفال شوارع .
احب انوه ان الفكره دي مش فكرتي الشخصية ولكنها شدتني وعجبتني جدا لانها بتحقق اكثر من هدف :
1- ثواب كبير عند ربنا
2- انقاذ طفل من مستقبل قد يكون مظلم
3- تنمية المجتمع للوصول الي اداء افضل
4- مش بس انقذت الطفل لا قد تكون اسره بحالها لان الطفل دا لما يتعلم وهيكبر ينقذ اسرته
5- فيه ناس كتير بيبقي معاها فلوس زكاه ومش عارفة تديها لمبن ومش بتثق قوي في المؤسسات الخيرية وبتبقي نفسها تعمل خير غير انها تساعد مريض او تجيب اكل لاسرة فقيرة ودي ممكن تكون مصرف من مصارف الزكاة او الصدقة
{{uf:2024}}
