نصيحة:ماتستعجليش على ابنك بخصوص التسنين , أو المشى

ما تستعجليش على ابنك بخصوص التسنين , أو المشى , فتعالجيه بطريقة خاطئة , فيصاب بعدها بالفشل الكلوى , لا قدر الله ..


.فى 2005 , و بعد صلاة العشاء , بمسجد فى مستشفى الشاطبى اللى فى اسكندرية , اتقابلوا سوا .. كان لسه طالب فى كلية الصيدلة , لما قابل دكتور امتياز , و قال له إن الصيادلة بيغلطوا غلطة قاتلة , بيبقى سببها "فشل كلوى حاد" للأطفال اللى بيتعرضوا لها , و بـ"يشرفوا" بسببها فى قسم الكلى , بمستشفى الشاطبى !! ..

و كانت الغلطة , هى صرف حقنة الـ ديفارول-مائى , بشكل عشوائى داخل الصيدلية , للأطفال اللى أمهم لاحظت تأخر تسنينهم أو مشيهم عن السن الطبيعى !! .. فتدخل الأم الصيدلية , و تطلب الحقنة لابنها , عشان جارتها نصحتها بيها (!!!!!) .. فيوافق الصيدلى (و هو غلطان فى كده) .. و بعد اسبوع , تيجى الست تانى , و هى بتشتكى إن الطفل لسه ما مشاش !! .. فيتطوع الصيدلى و يدى الطفل حقنة تانية .. و بعد أسبوع نفس الفكرة .. و هكذا , لحد ما الطفل يصاب بفشل كلوى حاد , نتيجة زيادة الكالسيوم فى الدم بصورة كبيرة , تؤدى إلى حصوات كتير فى الكلى !!

عاوز تعرف ليه ؟؟ .. ادخل على الرابط ده :

https://www.facebook.com/photo.php?fbid=577704072271705&set=a.195630050479111.40248.180463351995781&type=1&relevant_count=1

و عشان كده .. الاستعجال مش صح فى الحاجات اللى زى دى .. و احنا بنشكر شركة ممفيس , إنها قللت محتوى الأمبولة الواحدة من 600,000 وحدة دولية , إلى 200,000 وحدة دولية .. و نزّلت على موقعها الرسمى , بيان مفصل بجرعات الحقن , طبقا للسن و لكل داعى من دواعى الاستعمال على الرابط ده

http://memphis.com.eg/ar/products/injection/125.html

النصيحة : ما تطلبش من الصيدلى حقنة ديفارول-مائى من نفسك , و ما تطاوعش حد (حتى لو كان طبيب) لو قال لك إنها ممكن تتاخد كل أسبوع , أو مرتين فى الأسبوع .. عشان كده - بجد - ممكن تؤدى إلى فشل كلوى .. لا قدر الله ..
د/ أحمد فارس