بدي تشخيص لحالتي

الف سلامة عليكي.....اعتقد اللى عندك موضوع نفسي....هل حد قُريب منك توفى قريباً!!!!!
بصى عموما فى علم النفس اذا كنتى خايفة من مرض معين خوف شديد ممكن اعراض المرض تبان عليكي بدون ماتكونى مريضة اصلاً
وانتى زى مابتقولي خايفة من الموت فبتحسي كأنك هاتموتى خلاص
عموماً علشان نبعد اى اشتباه فى اى مرض اذهبي لدكتور وانا برجح انه يكون دكتور باطنة علشان حكاية الاسهال وعدم الاكل اللى اكيد مسببة لك الدوخة وهو اكيد هايوجهك ولو بتشربي قهوة او شاى استبدليهم بنعناع ويانسون او اى مشروب مهدئ على معلقة عسل نحل يساعدك على النوم ولاحظى ان عدم النوم بيتعب الجسم وبيسبب عدم الاكل والاسهال والعرق وبيتعب الجسم كله
والله اعلم

بعض النصائح فى نقط :
- قبل النوم
1- اقرئي قران ولو حاجة بسيطة قبل ماتنامي
2- حاولى تصلي بخشوع حتى لو ركعتين قيام الليل قبل ماتنامي
3- نامي وانتى متوضية
4- استغفري كتير
5- قولى اذكار قبل النوم
6- احمدى الله كتير

-خلال فترة النهار
1-اشغلي نفسك بحاجة مفيدة او هواية بتحبيها وبقترح عليكي تنضمى لجمعية خيرية بتساعد الفقراء او فى العمل الجماعي عموما هايفرق معاكي وهاينسيكي كل هذه الوساوس

2- ابعدي عنك اى تفكير سلبي لانه من الشيطان وهو بيكبرهولنا علشان يهدم لنا حياتنا وعلاقتنا بالله

3- حاولى ماتكونيش لوحدك اطول فترة ممكنة خليكي بجوار اصدقائك وحاولوا تعملوا عمل مفيد مع بعض (مقرءة قران- تعليم اطفال)

يارب اكون قدرت اساعدك
وان شاء الله نطمن عليكي

انا نسيت بقى ارحب بيكي معانا فى زيدونى اهلا بيكي معانا ويارب نقدر نفيدك ...وعلى فكرة ممكن تشاركي معانا بكتاباتك اكيد هاتفيدينا بخبراتك ومعلوماتك وانتى كمان هاتقضى وقت ممتع وهاتشغلي وقتك بحاجة مفيدة

اولا ... الف سلامة عليكي يا كريمة وبنرحب بوجودك معانا في اسرة زيدوني

ثانيا ... هل انتي فكرتي انك تذهبي لطبيب وتعرضي حالتك عليه وهل عملتي كل الفحوص الطبية من تحاليل للدم وخلافة للتأكد من سلامة الحالة الصحية عندك وخلوها من اي امراض قد تكون هذة هي اعراضة يعني نقص الحديد اي الانيميا مثلا او الضغط او السكر لا قدر الله طبعا بس لازم الاول تتوجهي لطبيب قد يكون اعراض مرضية وانتي مش عارفة او مش متوقعة.

ثالثا ... اذا كنتي فعلا ذهبتي لدكتور وتأكدتي من عدم وجود اي مشكلات صحية وبالاضافة الي كلام زغباوية وMenem من حيث الشعور بالوحدة والقلق والاضطراب احب اذكرك بالاية الكريمة ....

قال الله تعالى: {وَاتَّبَعُوا مَا تَتْلُو الشَّيَاطِينُ عَلَى مُلْكِ سُلَيْمَانَ وَمَا كَفَرَ سُلَيْمَانُ وَلَكِنَّ الشَّيَاطِينَ كَفَرُوا يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ وَمَا يُعَلِّمَانِ مِنْ أَحَدٍ حَتَّى يَقُولا إِنَّمَا نَحْنُ فِتْنَةٌ فَلا تَكْفُرْ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ وَمَا هُمْ بِضَارِّينَ بِهِ مِنْ أَحَدٍ إِلا بِإِذْنِ اللَّهِ وَيَتَعَلَّمُونَ مَا يَضُرُّهُمْ وَلا يَنفَعُهُمْ وَلَقَدْ عَلِمُوا لَمَنْ اشْتَرَاهُ مَا لَهُ فِي الآخِرَةِ مِنْ خَلَاقٍ وَلَبِئْسَ مَا شَرَوْا بِهِ أَنفُسَهُمْ لَوْ كَانُوا يَعْلَمُونَ} [البقرة: 102].

ودا لانه السحر طبعا مذكور في القران وكذلك الحسد فعليكي ان تبحثي في من حولك عن من قد يريد اذيتك وعليكي ايضا ان تتحصني بالقران والدعاء وخصوصا انك بتقولي انك لما بتصلي الفجر بتنامي طبيعي ... وكمان اكثري من عمل الخير اقتضاءاً بالسنة النبوية داووا مرضاكم بالصدقة

وشفاكي الله وعفاكي ماءاً طهورا