كل سنة وانتم طيبين
اكيد على دخول رمضان بتفكرى ازاى تفطرى صائم كل يوم او على قد ماتقدرى طيب
الفكرة بسيطة: الحمد لله فى رمضان الخير بيكون كتير وبنعمل كميات الاكل كتيرة وكبيرة وفى الصيف واكتر حاجة بنكون محتاجينها هى السوائل والسكريات سواء فى المشروبات او الفواكه
قبل اذان المغرب تكونى مجهزة اى حاجة من دول:
- اى حاجة بسيطة زى مثلا تقطعي اى فاكهة شرائح بطريقة حلوة(جوافة - مانجو- بطيخ .....الخ)او بلح او عنب(مش مهم كتيير يعنى كل واحدة على اد مقدرتها) وهاتحطيها فى اى طبق عندك سواء ورق فوم او بلاستيك المهم الطبق مايتكسرش علشان ماتدعيش عليا :D وان الحاجة اللى هاتحطيها فيه ماتدلقش اوماتبهدلش اللى هاياخدها
- حاجة بسيطة من الاكلات النواشف اللى انتى عملاها :(قطايف - سمبوسك - .....الخ)زى كدا:
المهم الحاجة تكون متقدمة بشكل حلو ونظيف
واهم حاجة قبل ما الاذان يأذن تعينى وتحثى زوجك او ابنك على صلاة المغرب فى الجامع وتفضلى تزنى وانتى وشطارتك معاه :D
وتديهم الطبق يوزعوه على الناس فى الطريق للجامع او فى الجامع نفسه وبكدا تبقى بتعيني زوجك وابنك على الصلاة فى جماعة وكمان تكونى افطرتى صائم
وخلي نيتكم وتذكروا مع قدوم الشهر الكريم كلام الله تعالى وكلام رسولنا الكريم عليه افضل الصلاة والسلام:
لن تنالوا البر حتى تنفقوا مما تحبون اتقوا النار ولو بشق تمرة
اطعام الطعام وافشاء السلام افطار مسلم
هى فكرة بسيطة واكيد كتير مننا بيعملها بس قولت افكركم واللى عندها فكرة تقولهالنا ممكن حد يستفيد منها ونفكر بعضنا بيها