يا ريِّس الجميع (شعر)

ياريِّس الجميع
..............
يا ريس الجميع
مش ريس الجماعة
شوف مصلحة الجميع
مش مصلحة الجماعة
قبل البلد م تخرب
وتخش في المجاعة
يا ريس الجميع
لملم شمل الجميع
وابعد عن الجماعة
فين الصراحة ؟ .. فين؟
الناس خلاص يا ريِّس
صبحت تشوف كويِّس
وطلع لهم عنين
ولا حد عاد هيسكت
ولا يرضى بكلمتين
عرَّفنا مصر فين ؟
ماتسيبش الناس ف حيرة
أصل الكلاب كتيرة
واقفين مُتَرَبِّصين
والإخوة ف الجماعة
نازلين كلام كلام
وكأنهم يا ريس
هما أصل الكلام
واحنا انتخبنا مرسي
مانتخبناش بديع
يا ريس الجميع
............
العزب فتحي