صباح الخير (شعر)

4
1
صباح الخير
..................
صباح الحب ع اللي القلب نقَّاها
ولفلفها وغطّاها
ودفّاها برمش العين
صباحِك زِين
يا أجمل نسمة بتهفهف
على الصبحية
تحيي القلب وتصحِّيه
ونور الصبح يطلع إيه
قصاد رؤية ضيا جبينك ؟
ومن عينِك
بتطلع ف الفؤاد الشمسْ
وحس الهمسْ
يطرب كل شيء فيّا
"صباح الخير "
........................
العزب فتحي

 

التعليقات

محمد عبد المنعم منذ 11 عام
وكمان شعر غنائي ... إن زيدوني يتألق!
العزب فتحي منذ 11 عام
ولسة ... التقيل جي
زغباوية منذ 11 عام
حلو التفاؤل ده ... والطاقة الايجابية
كدا على الصبح ...انتوا صحيتوا المواهب فيا
😞
العزب فتحي منذ 11 عام
يا ريت نقرأ حاجة قريبا
زغباوية منذ 11 عام
لا مش للدرجة دى 😞 دى بتطلع فجأة وبدون سابق انذار ولا تحضير:D
العزب فتحي منذ 11 عام
طيب هنستنى الفجأة....
loleta1 منذ 11 عام
+1 حلوه

zedony.com - A mmonem.com production. Privacy Policy