يابوالعيون حلوين
.............................
يابوالعيون حلوين
دايرين شمال ويمين
بيجرحوا العاشقين
منهم أروح انا فين؟
يابوالعيون حلوين
منهم أروح انا فين؟
لو قلت يوم انساك
وابعد بقلبي هناك
بتقول عنيك شايفاك
آه منّهم الاتنين
يابوالعيون حلوين
منهم أروح انا فين؟
ياسمر ملكت الروح
والقلب بات مجروح
قل لي لفين انا اروح
والدمع ع الخدين ؟
يابوالعيون حلوين
منهم أروح انا فين؟
يا حبيبي ميّل يوم
خلليني ادوق النوم
سهران انا ومهموم
مش عارف اشكي لمين
يابوالعيون حلوين
منهم أروح انا فين؟
عديني بحر الشوق
خدني معاك على فوق
خلليني مرة أدوق
نظرة عنين غاليين
يابوالعيون حلوين
منهم أروح انا فين؟
....................
العزب فتحي