الضلمة مهما تطول
..........................
الضلمة مهما تطول
لابد يوم هتزول
والنور مسيره يبان
والظلم لو طال السما
خلاها تبقى مغيمة
خللى العيون جالها العمى
رح يهزمه الإنسان
على شرط مايسيبش الفران
تنخُب عُقُوب كل الببان
تفحَر جدار الدار لحد متهدمه
أويوم يسيب الدودة تسكن جوا قلبه....تحطمه
أو يوم ينام ويسيب حقوقه تتنهب
ويسيب دياره تنخرب
لازم يكون صاحي لحقه ماينساهوش
ولا يوم يسيبه يضيع
ولا يوم يسيبه يضيع
ولا يوم يسيبه يضيع
العزب فتحي