(2) شعاع القمر

5
1
(2) شعاع القمر
شايف شعاع القمر
مابين فروع الشجر
بيحاول انه يفوت
الخوف عليه ليموت
والضلمة تقضي عليه
ولا يلقى حد يبص له
ولا يلقى إيد تراعيه
...
سامع نداء جاي م السما
بس الودان متكتمة
لو تسمعه كل الودان دي ف يوم
كان الجميع هيقوم
ينفض غبار النوم
ويفوق لحقه ويطلبه
مايسيبش واحد يركبه
ولا يبقى فوق أرض البلد مظلوم
لو يسمعوا بس الندا دا ف يوم

 

التعليقات

محمد عبد المنعم منذ 12 عام
أكيد لها بقية ... لازم يبقى لها بقية ... حرام تتساب كدة
العزب فتحي منذ 12 عام
لو تلاحظ هي رقم 2 يعني هي جزء من مجموعة كانت مكتوبة كتعليق غنائي على مسرحية كنا عاملينها ف البلد منذ فترة ... وطبعا مطلوب ف العمل الدرامي إنك متقولش كل حاجة وتسيب فرصة للمتلقي يكمل بالطريقة اللي تعجبه .. يعني تسيبه قبل مايسيبك
zedony.com - A mmonem.com production. Privacy Policy