الوحدة العربية أمانة
الوحدة العربية أمــــــانة لازم تتحقق جوانــــــــــــــــــا
تبقى قلوبنا على بعضينا يصبح نصر المولى معانـــــــا
الوحدة العربية أمانة
لازم تتحقق جوانـــا
ياخواتي انتم أهلي وناســـــــي رح اشيلكم على عيني وراسي
أنا فاكر على طول مش ناسي انتو قلوب بالخير مليانـــــــــة
الوحدة العربية أمانة
لازم تتحقق جوانـــا
ياللا نكلم بعض شويــــــــــة ونقول المشكلة إيــــــــه هيه
رح نتحمل بعض شويـــــــة لو بينا وبين بعض أمانــــــة
الوحدة العربية أمانة
لازم تتحقق جوانـــا
أصلنا واحد مش أصــــلين شوفوا لغتنا وشوفوا الدين
وافتكروا ف بدر وحطين بالوحدة كنا اعلى مكانـة
الوحدة العربية أمانة
لازم تتحقق جوانـــا
ياللا نفــكر ف المستقبل نرسم بكرة بشكله الأجمل
نجبر كل العالم يقبـــــل صوت الحق ف دق خطانا
الوحدة العربية أمانة
لازم تتحقق جوانـــا
ليه أموالنا مش ف ايدينا سايبينها ف ايدين أعادينا
يتحكموا ليه فيها وفينا والأرض بتنده عطشانــة
الوحدة العربية أمانة
لازم تتحقق جوانـــا
عايزين نعمل سوق مشتركة يكتر فيها الخــير والبركة
بين أقطارنا تزيـــــد الحركة يبقى الخير بينَّا وويانــــا
الوحدة العربية أمانة
لازم تتحقق جوانـــا
ياللا نكسر كل قيودنــــــــــا ونفتح لاحبابنا حدودنــــــا
يرجع أصل ومعنى وجودنا ترجع عزتنا المنصانـــــة
الوحدة العربية أمانة
لازم تتحقق جوانـــا
نفسي أزور الوطـــــن العربي شرقي، شمالي،جنوبي وغربي
من غير تصاريح تقطع دربي واللا حروب على طول خسرانة
الوحدة العربية أمانة
لازم تتحقق جوانـــا
مد ايديك تمسك ف ايديـــــــا ف المغرب والدوحة وسوريا
في القدس وصنعاء وف ليبيا وف مكة نسبح مولانــــــــــا
الوحدة العربية أمانة
لازم تتحقق جوانـــا
أنا مصــــري وعراقي وليبي وعماني وموريتاني حبيبي
وكويتي وأردني أو قطـــــري تونسي وجزايري أو قمري
بحريني ومغربي وصـــومالي وســوداني ولبناني دا خالي
وســــــعودي ويمني وحيبوتي سوري فلسطيني وإماراتي
بقلوب بالأشواق دفيانــــــــــة عايزين وحدة تهد عدانـــــا
الوحدة العربية أمانة
لازم تتحقق جوانـــا
عايزين نعمل وحدة كبيـــــرة لاجل نلملم شمل الجيــــرة
المسألة دلوقتي خطيــــــــــرة يانكون.....يالعالم ينسانـــا
الوحدة العربية أمانة
لازم تتحقق جوانـــا
العزب فتحي