هو فين جماعة الامر بالمعروف و النهي عن المنكر؟
طيب فين البلاك بلوك عندهم امتحانات؟
طيب إيه أخبار البوارج الصينية اللي راحت سوريا؟
إيه أخبار توكيلات السيسي؟
سامي عنان نشر مذكراته ولا لسة؟
إيه اخبار إضراب ضباط الشرطة .. حققوا مطالبهم؟
إيه عاصمة جمهورية المحلة المستقلة ؟
فين الستات اللي بيقصوا الشعر في المترو ؟
طيب ال 12 ألف مسلح حمساوي اللي في الكوربة ؟
خيرت الشاطر اشترى افندق سميراميس ولا لسة ؟
يا ترى الفلسطينيين اللي في مخيمات العريش عاملين إيه؟
هشام قنديل بيزور والدته في غزة ولا مركز مع امه اللي كفر الشيخ بس ؟
فين الأرغفة التلاتة الحد الاقصى للمواطن في مشروع توزيع الخبز الجديد ؟
محدش لقى بطاقة رقم قومي من ال 11 مليون اللي تمت اضافتهم لقاعدة بيانات الرقم القومي ؟
كتب كتاب ابن مرسي على بنت هشام قنديل امتى ؟
إيه أخبار شبكة المحمول الرابعة بتاعت حسن مالك ؟
حد شاف صفحة كتاب الدراسات الاجتماعية اللي فيه صورة حسن البنا على الغلاف ؟
فين الأدلة اللي رئيس تحرير الأهرام العربي سلمها بخصوص حادث رفح ؟
قطر اشترت قناة السويس ولا لسة ؟
أقساط بيع أهرامات الجيزة بتتدفع في موعدها ولا في أقساط متأخرة ؟
ياسر علي عمل إيه في قضية الزواج العرفي .. العروسة مش لاقية العقد كل ده ؟
مصر للطيران بتقدم محشي على طيارة الرئاسة ولا لسة ؟
المصابين "بغاز الأعصاب" اللي الداخلية كانت بتستعمله في المنصورة قاموا بالسلامة ؟
إيه أخبار الطيارات الإف-35 الإسرائيلي اللي كانت بتعمل مناورات فوق القاهرة .. يا ترى طلعت من المصنع ؟
لسة في كتير .. بس أنا زهقت من الكتابة .. أنتوا مزهقتوش من اللي بتعملوة في دماغ الناس الله يخرب بيوتكوا ؟