كلمات اغنية عقـــد الفــل والياسميـــن ......

4
0
عقد الفل و الياسمين
كلمات الرائع فؤاد حداد
غناء المبدع محمدمنير
---------------------------

تعالى نلضم أسامينا
الفلة جنب الياسمينة

قنا سوهاج الاسماعيلية
بنت الصعايدة بحرية
الاقصر غزالة محنية
في اسكندرية ترسينا

انا رشيدي و دمياطي
و اخدك يا منصورة ف باطي
و اغني و ارقص سنباطي
قبل القمر ما ينسينا

و عدي عالجيزة خفاجة
وردان دموعي الخفاقة
عيوني طلت يا رفاقة
من وادي حلفا علي المينا

عاضفتين القى ربوعي
و عيد ميلادي و سبوعي
من كوم حمادة ينبوعي
لجرجا ابريق الزينة

بلبيس حنلبس دبلتها
شربين شربنا في قلتها
بعد المحلة ما حليتها
بنها العسل راح يشفينا

و دنشواي اسمها اصبح
اقل شاهد بيسبح
ف المنزلة الضي بيرمح
و ف بحر يوسف سواقينا

و الشاي يا واسطى في السكة
نقعد يا منيا علي الدكة
توصل بني سويف الضحكة
نلاقي اسيوط وسطينا

عصرت قلبي الجواني
علي التراب الاسواني
رجع يا نوبة عنواني
كوم امبو رايقة و امينة

و طنطا شي لله يا سيد
و طهطا نفرح و نشيد
و نزور مغاغة و نعيد
في بورسعيد عالتراسينة

من السويس قلت ياللي
دي القنطرة فجر التملي
و الوز الاخضر بيصلي
علي القناية من سينا

تعالي نلضم اسامينا
الفلة جنب الياسمينا
---------------------------------

 

إضافة منذ 13 عام
hamada
9325
غير محدد
تعديل منذ 10 عام

التعليقات

الباشمهندسة منذ 13 عام
لو ممكن اغاني الاطفال بتاعت زمان ....عفاف راضي مثلا
زغباوية منذ 13 عام
عايزة ايه وانا اقولهالك
الباشمهندسة منذ 13 عام
قومي يادنيا واصحي يادنيا
هم النم ياروحي يلا جيبالك مم
يلا بينا يلا يلا يلا يلا بينا دا الشموسة طله طله وبتنده علينا
عقرب الدقايق بطيئ ورايق انا نطه واحدة مني ب60 نطة منه
زغباوية منذ 13 عام
انا جبت لك الاغانى كلها وده رابط الموضوع بس مش لاقية بتاعة عقرب الدقايق خالص

http://www.zedony.com/index.php/seenwgeem/1067
zedony.com - A mmonem.com production. Privacy Policy