هل الدوا من بلاد برة هو نفسة اللي هنا في الصيدليات؟

الفكرة في تركيز المادة الفعالة عشان كدة بيكون غالي عشان المتتج المصنع في بلدنا بتكون تركيز المادة الفعالة فية قليل علشان صاحب المصنع وقطم الٌدارة يقدرو يغيرو نوع عربياتهم وبيتهايالي الدوا اللي جاي من برة بيكون مترجم ونازل للشرق الاوسط عموما ومعانا دول الخليج انا جربت سينسوداين الٌنجليزي في عمان مختلف تماما عن الموجود في مصر تحت نفس الاسم التجاري واللزق الطبي الٌإنجليزي مختلف عن المصري اختلاف التنين عموما اي منتج مش مكتوب علية كلمة عربي خدية بثقة

خلي بالك ان الدواء المستورد مش مضمون انه يكون احسن لانه مش مضمون اتشحن إزاي و خاصه الي متهرب، و للعلم برضوا ان شركات الدواء الكبيره بتنزل في الدواء المستورد بلاوي بيبقوا عارفين من نفوزهم انهم هيقدروا يعدوها ، انا راي ان الدواء الكويس هو الي يجب تأثير مش مهم هو محلي و لا مستورد انا اعرف دواء كان من بتوع التأمين و المستشفيات الحكومه و كان فعال احسن من حاجات تانيه كتير، إنما بالنسبه لصناعة التجميل في مصر زي معاجين الأسنان و الشامبوهات و ما الي ذلك فهي صناعة تعبانه جدا جدا

أنا رأيى ان الدوا اللى جاى من بره أحسن 100 مرة من اللى هنا للأسف لأنهم بره بيهتموا جدا بأدق التفاصيل فى تصنيع الدوا وفى تصنيع زجاجات الدوا يعنى مثلا أدوية الأطفال اللى جاية من بره مش ممكن أى طفل يقدر يفتحها لأنها مصنعة بتكنيك معين مايفهمهوش غير الكبار وكمان نوع الزجاج أو البلاستيك اللى بتتعمل بيه العبوات اللى هنا مافتكرش ابدا انها تكون نقية 100 فى 100
على الفكرة كلامى ده عن تجربة أكيده مش أى كلام

علي فكرة تركيز المادة الفعالة في الدوايين واحد بس برة عندهم مواد بيضيفوها على الدواء بتساعد على سرعة ذوبانه في الخلايا ووصوله للدم اسرع وبتركيز احسن فبيكون اكثر فاعلية