عنوان غريب مش كدة معلش انا كنت بشدكو علشان تدخلو علي المقال دة.
..... بناء علي تجربة شخصية لي لقيت انه ساعات الواحد بيتعرض لمواقف هيكون فيها خارج البيت لمدة قصيرة او طويلة او حتي يوم واحد زي واحدة بتولد أو اجازة للزوج مفاجأة وقال لك يلا احنا مسافرين ديلوقتي اسكندرية- اسماعيلية -البلد او لقدر الله حد تعبان في المستشفي ومحتاج مرافق معاة او هيعمل عملية بسيطة ، المشكلة الحقيقية بتكمن في ايه اللي انتي محتاجة يكون معاكي وتضعية في الشنطة وبتبقي مش مركزة قوي من الربكة والسربعة وخاصة لو عندك اولاد صغيرين لسة هتوضبي حاجاتهم .
علشان كده انا قررت وبمساعدتكم معايا عاوزين نكتب قوائم يكون فيها كل اللي ممكن تحتاجية في مناسابات طارئه بحيث انه مجرد تفتحي مقالات زيدوني علي الجهاز وتجيبي الشنطة وتحطي علي طول ولو في اي حد من الاعضاء يحب يضيف حاجة علي القائمة تكون منسيه يكتبها في التعليق وان شاء الله صاحب المقال يضيفها علشان تبقي متكاملة .
الحلقة الاولي هتكون من نصيب .......
شنطة الولادة ...ومبروك للي هتوضبها وتقوم بالسلامه ان شاء الله
حاجات للمولود عدد 2 سالوبيت بيبي داخلي بكم مقاس 0 ( صيف وشتا)
عدد 2 شاية بيبي كت او نص كم (طبقا لاقتراح الزغباوية)
عدد 2 سالوبيت بيبي خارجي بكم مقاس 0 ( صيف وشتا)
عدد 1 كوفرتة (صيف و شتا)
عدد 1 بطانية (الشتا فقط)
طاقية صغيرة (الشتا فقط)
الكاري كوت ....لو مش هتشتريه استلفية لانه ضروري جدا في الايام الاولي
فوطه اوبشكير بيبي
شامبو بيبي
كيس قطن طبي
باكتة حفاضات مقاس حديث الولادة او عدد لا يقل عن 10 قطع
ببرونه صغيرة مقاس 60 مللي
حلق طبي لو المولود بنت (طبقا لاقتراح ahmedzkaria)
حاجات الام جلباب واسع ومريح يسمح بالارضاع
غيار كامل لاستخدامه بعد الولاده ان شاء الله
شبشب بلاستيك
فوط صحيه مقاس كبير
فوطة وجه كبيرة
صابونه النوع اللي تفضلية
تلبيسه علي الرأس
الكاميرا وبطارياتها لتسجيل اللحظات السعيدة
اهم حاجة البطاقه العلاجية اذا كنتي تبع نقابه محددة
طبعا اخيرا الفلوس
وان شاء الله نقول حمدلله علي السلامه