بطاطس تحمير ولا طبيخ؟

7
0
ده السؤال اللي اي حد رايح يشتري بطاطس من الخضري بيقولة ياتري البطاطس دي للتحمير ولا للطبيخ؟؟؟؟؟؟بس انا اللي كنت عايزة اعرفه ليه اصلا فية بطاطس تحمير وطبيخ هل ده طبيعي زي البرتقال البصرة والسكري ولا ده فرق راجع لطريقة الزراعه او المياة المستخدمة او نوع التربه وخاصة انه من النادر توفر النوعين معا في وقت واحد.والسؤال المهم بقي ازاي اقدر افرق بينهم من غير ما ارجع للخضري هل لكل نوع مواصافات محددة وسهل ان اي حد يلاحظها؟

 

إضافة منذ 11 عام
غير محدد

التعليقات

الاستاذة منذ 11 عام
للعلم دي انواع في البطاطس مش بسبب التربة او الزراعة

الإجابات

4
على فكرة الفرق واضح .
بطاطس التحمير بيكون لونها افتح من البطاطس الثانية وطعمها احلى
بكتير بس بتستوى أسرع
إضافة منذ 11 عام
safaa
50508

التعليقات

الباشمهندسة منذ 11 عام
بس ساعات البطاطس من كتر الطين عليها ما يبقاش واضح لونها الخارجي ولو تقصدي لونها الداخلي طبعادة مش هاعرفة الا لما اشتريها وخلاص هاكون شربتها.
3
بطاطس التحمير بتكون ناشفة جدا اما البطاطس الحلوة فبتكون طرية شوية وممكن (ليس دائما)ان تكون قشرتها سهلة انها تتقشر فى ايديك وحجمها مش كبير زى بتاعة التحمير

واعتقد ان البطاطس الحلوة دى البشاير او عند بدء الزراعة فى البطاطس لانها تتواجد فى الفترة التى تسبق ظهور بطاطس التحمير فى الاسواق
إضافة منذ 11 عام

التعليقات

لا يوجد
4
للعلم احسن نوع لبطاطس التحمير هي البطاطس الحمرا
ودي اكتر نوع من البطاطس اللي بتتعامل معاها شركات الشيبسي
وبيكون شكلها دائري ولون قشرتها محمر شوية وهي من جوه لونها فاتح
وده من رأي اهل الخبرة
ولو عايزين تعرفوا اكتر عن انواع البطاطس وازاي تعرفوها فقولولي وانا ابقى ارد عليكم لو رأي يهمكم
إضافة منذ 11 عام

التعليقات

عبد المنعم منذ 11 عام
أكيد عاوزين نعرف
زغباوية منذ 11 عام
طبعا رايك يهمنا ليه تبخلى علينا
الباشمهندسة منذ 11 عام
ياريت لو فيه اي معلومات اضافيه ممكن تضيفيها للاجابه او تعملي لها مقال منفصل.
أم العيال منذ 11 عام
قوليلنا الله يخليكي كل اللي يخص أنواع البطاطس
4
فى بداية الموسم تصلح البطاطس لجميع الأغراض

أما قرب نهاية الموسم فيجب أن تكون البطاطس محفوظة حتى تستمر سليمة إلى هذا الوقت.

هناك مقال جيد أنقل لكم الرابط الخاص به في الأسفل، ولكن باختصار فإن البطاطس التي تحفظ في الثلاجات هي الأكثر أماناً بالنسبة للصحة ولكنها تتحول بعد خروجها من الثلاجة إلى بطاطس سكرية.

بينما البطاطس التى تحفظ لغرض القلى فإنها تحفظ باستخدام مواد شديدة الخطورة على صحة الإنسان هي المبيدات الفطرية والمبيدات الحشرية.

رابط المقال:
http://www.manarasoft.com/blog

أرجو أن تكون إجابتي مفيدة ولو بعض الشيء
إضافة منذ 8 عام
60

التعليقات

زغباوية منذ 8 عام
الاجابة مفيدة شكرا عليها ......بس فين اسم حضرتك ارجو الدخول الى كلمة بياناتى فى المستطيل الاسود بجانب الاخطارات وتعديل الاسم
الباشمهندسة منذ 8 عام
اكيد مفيدة 10/10
يلزم أن تقوموا بتسجيل الدخول حتى يتسنى لكم إضافة إجابة لهذا السؤال
zedony.com - A mmonem.com production. Privacy Policy