جربت قبل كدا وانت شايف عنكبوت بيبنى بيته بالخيوط انك تهدله بيته ؟
تفتكر ايه رد فعله؟
هل ساعتها هيقعد ويكتئب ويروح يشتكى لاصحابه اللى فى نفس حالته الحزينه؟
هل هيحس بالاحباط واليأس وهيسيب البيت ويقعد ميعملش حاجه ويقول انا فاشل؟
الاجابه الصحيحه انك لو فضلت طول عمر العنكبوت تهدله بيته هيسيبك ويبنى فيه تانى لحد ما يموت أو انت تزهق مكئبش مزعلش محسش بالاحباط .
دا العنكبوت أحد مخلوقات الله الصغيره
مابالك انت يا ابن ادم اللى ميزك الله بالعقل
.
.
من هنا وجاى استغل طاقتك ومتقعدش تقول أنا فشلت
"خللى فشلك هو محاولة اكتشافك لبوابة النجاح"
واتعلم من العنكبوت الهمه والنشاط عشان توصل لهدفك ،واستغل موهبتك وقدرتك لان ربنا سبحانه وتعالى مخلقش انسان الا وخلق له حاجه بتخصه وبتميزه عن غيره وساعتها هتوصل للنجاح والسعاده والراحه النفسيه.
شعارى دائماً
"دعونا نخطف السعاده ، ونبيد الحزن إباده"
بقلم أ. عمرو شاكر
أ. عمرو شاكر