سؤال عن الأقمار الصناعية

الأقمار الصناعية المخصصة للإرسال التليقزيوني تقع على مسافة كبيرة جدا من الكرة الأرضية وتدور بسرعة تجعلها تبقى بصفة مستمرة متزامنة مع دوران الكرة الأرضية مما يجعلها تبدو ثابتة بالنسبة لأي نقطة على الأرض في نطاق البث

انا مش معاك يا محمد ده كلام غير علمى الاقمار الصناعيه تدور بسرعات كبيره جدا حول الكره الارضيه حتى تبقى فى مدارتها ولا تجذبها قوه الجاذبيه الارضيه وهذه السرعات تصل الى 17500 ميل/ثانيه يعنى لو قمر يدور بهذه السرعه يلف الكره الارضيه فى حوالى ساعه ونصف!!!!

وولاجابه على سؤال جمال :الاقمار الاذاعيه بتدور فعلا بس فى مدار ثابت فبيتم توجيه اطباق الاستقبال على المدار بحيث يستطيع استقبال المعلومات باستمرار مع تواجد القمر فى اى نقطه داخل المدار

أنا دارس كويس الموضوع ده بالإضافة إلى إني هاو ... كلام Mohammad هو كلام علمي صحيح

الأقمار اللي بتلف الكرة الأرضية في ساعة أو ساعتين هي أقمار التصوير والتجسس ، أما أقمار البث التليفيزيوني فبتدور بسرعة أكبر بكتيير لكنها أبعد بكتيييير ... متنساش إن كل لما بتبعد عن مركز الأرض المسافة اللي بيدورها القمر بتبقى أكبر

وبرياضة 4 ابتدائي:
المحيط = 2 ط نق

حيث نق هي المسافة من نقطة مركز الأرض إلى مدار القمر إذا افترضنا إن المدار دائري تماما

طيب يا هشام انا عايز اقولك ان كل مالقمر بعد عن الارض سرعته بتقل مش بتزيد ايه رايك بقى؟

انا اللى بيخلينى احدد سرعه دوران القمر ان انا عايز الغى تاثير قوه الجاذبيه الارضيه فبالتالى كل مبعدت عن الارض كل متاثير قوه الجاذبيه قل فبالتالى قللت سرعه دوران القمر

الكلام ده مش صحيح في علم الفلك ... طالما الجسم له مدار حول جسم فلكي آخر ... كل ما يبعد عنه سرعته بتزيد

حاول تدور على أصل للمعلومة بتاعتك واعرضها عشان كلنا تستفيد

اصل المعلومه بتاعتى هى كتاب ال communications engineering

chapter 5:satellite communications

أوعدك هدور تاني وأحاول أقنعك
أنا زودت إجابتك +1 عشان مكنتش بتطخ وتعتبر أفحمتني لحد ما أجيب الدليل القاطع