مصر بالمصريين

0
0


‎مصر بالمصريين‎
14 hrs ·
#مدارس_اللاجئين_العرقية_لتخريب_مصر

ناس كتير بتقول ليه مركزين على السوريين، وليه متحاملين عليهم، ما في عشرات الجنسيات الأجنبية جاية تستوطن مصر غيرهم؟

الحقيقة اللي متابع الصفحة دي أو متابع الحسابين بتوعي على تويتر، أو متابع حسابات كتيرة غيري بتحذر من خطر توطين الأجانب هيعرف إننا بنتكلم عن كل اللاجئين والجاليات، وكل الجنسيات، بلا أي استثناء... لأن عن نفسي براجع على قد ما قدرتاريخ بلدي وأعرف إنها اتغدرت واندبحت من كل الجنسيات، عربي وعجمي، مسلم ومسيحي ويهودي وأي دين... وإن كل الجنسيات لو اتمكنت من مصر دواعش، في اللي مضي والحاضر واللي جاي...

لكن الكلام بيبقى أكتر عن السوريين لأن خطرهم ظهر أسرع وأكبر، وبجاحتهم أشد من غيرهم؛ لأنهم مستقويين بالتمويلات الرهيبة اللي وراهم + مستقويين بالأمم المتحدة والمنظمات العالمية المشبوهة زي الإخوان وغيرهم، ولو لاحظتو هتلاقو الأمم المتحدة ومنظماتها والإخوان مركزين هما قوي على السوريين ودعم السوريين وتوطين السوريين في مصر ولبنان وأوروبا والأردن إلخ... فنسأل نفسنا ليه الاهتمام الشديد ده بيهم...

ونفس المنظمات دي بتدعم برضو بقية الجاليات والجنسيات- وإن كان مش قد دعمها السوريين لأنها عارفة إن صفات السوريين تحقق مصالحها أكتر- لأن مصلحتها مصر تبقى بدل ما هي سبيكة واحدة أو كتلة واحدة روح واحدة (راس مالنا وكنزنا التاريخي الحقيقي) تتحول لبلد متعددة الأجناس والأعراق والطوايف تاكل بعضها، وكل طايفة ولا عرق يعمل زي الأكراد في سوريا والعراق ويطالبو بحكم ذاتي وبعده دول منفصلة، أو يتعملهم حوادث مفتعلة ويتاجر بيهم العالم باسم أقلية مضطهدة زي ما عملو مع الأيزيديين وغيرهم، ويبقى حال مصر إنها بتكافح ضد اللي عايز ينفصل أو عايزحكم ذاتي أو العالم بيهاجمنا عشان مش واخد حقوقه ومضطهد !

بصو أو تخيلو أو توقعوا حال البلد مع وجود كل الأعراق والجنسيات اللي من كل البلادوصابة في مصر بعد 30 سنة، ويبقى ليهم جيل أو جيلين مولودين في مصر، وطوفان المطالب بـ"حقوق"، و"مناطق خاصة"، و"حصة في المناصب"، وكل حاجة.. بصو لقدام

فإحنا مش ناسيين كل الجنسيات اللي جاية تنهش في مصر وتعمل لنفسها قيمة على قفاها، وعشان كدة بنقول #توطين_اللاجئين_نكبة و #توطين_الهكسوس_نكبة مش توطين السوريين بس...

واللينك ده فيه مثال لرصد نزلته من كذا شهر على الصفحة عن خطر المدارس العرقية اللي بقت تتعمل في مصر، سوا السورية أو الأفريقية، وإيه خطرها، وليه بيتعملهم مدارس وحدهم، ومين وراها، وإزاي ممكن تعاني مصر منها بكرة وبعده، لو سمحتو بصو عليه، لأن ده ماشي بالظبط مع خطر قوانين تمليك وتجنيس الأجانب اللي نازلة ترخ فوق راس مصر، وعمل مدارس عرقية بالشكل ده أكبر دليل على المشي في طريق مصر لتحويلها إلى أعراق وأجناس تحولها لأرض صراعات وحروب أهلية زي دول أفريقيا وسوريا والعراق إلخ..

وهتلاقو التويتات دي برضو على حساب لياعلى تويتر اسمه توطين اللاجئين نكبة تحت هاشتاج #مدارس_اللاجئين_العرقية_لتخريب_مصر

واللهم بلغت...اللهم استرعلى بلدي

#مصر_للمصريين
#مصر_للمصريين_مش_للمجنسين
#لالتمليك_وتجنيس_الأجانب
#هويتي_مصر

https://www.facebook.com/NeferteryA…/posts/2553397694884757…

Image may contain: 2 people
Image may contain: text
Image may contain: one or more people and text
No photo description available.
+9
مصر بالمصريين
April 26, 2018 ·
#مدارس_اللاجئين_العرقية_لتخريب_مصر

تحت الهاشتاج ده هنزل معلومات ولينكات عن دليل تاني من أدلة توطين اللاجئين وأهدافه الخبيثه، وهو انتشار المدارس العرقية (سورية وأفريقية إلخ) وإزاي مقصود إنها تكون عرقية لزرع عشرات الأعراق والطوايف لضرب وحدة مصر

نبدأ بالمدارس السورية..

الأول السوريين اتدحلبو كالعادة بالمسكنة وطلبو من المصريين يعاملوهم كمصريين في المجانية في المدارس، وبعد ما خدوها طلبو نفس الدعم في الجامعات.. وخدوه!

وده لينك الصفحة اللي عملوها للضغط على الحكومة في ده.. وللعلم سمعت في قناة "أون تي في" سوري بيطالب الحكومة تديهم دعم في الماجستير والدكتوراة وبيقول ده "حقنا"

https://www.facebook.com/…/a.253089364778…/530455457042349/…

بعد ما السوريين خدو المجانية في المدارس والجامعات المصرية.. بدأ يظهر في 2012 إنهم من تحت لتحت شغالين على عمل مدارس خاصة بيهم، إخوانية للإخوان وشيعية للشيعة، مدارس طائفية يعني، وتحت رعاية الأمم المتحدة، وبدعم من خلايجة

الكلام ده اتنشر في موقع سوري تبع الإخوان اسمه "عكس السير"، ومن التقرير اللي الرابط ده بتاعه يتفهم إنهم بدأو من 2012 يعملو مدارس للي ضد بشار، يعني إخوان، وإنهم بيستقوو بالأمم المتحدة على مصر عشان تعترف بيها

http://cutt.us/vXpx2

ولما ناس حذرت من خطر المدارس السورية تحايلو وقالو دي مش مدارس، دي سناتر تعليمية، وفجأة اتحولت لمدارس وبقو 14 مدرسة في القاهرة والجيزة..وإخوان بالمناسبة

المدارس الشيعية

بالتوازي مع عمل مدارس سورية إخوانية.. كانت بتتعمل مدارس شيعية لأنصار بشار الأسد، وبمعنى أصح أنصار إيران (نواة للحرس الثوري الإيراني)

https://www.elwatannews.com/news/details/725540

وجنبها ظهرت جمعيات شيعية باسم عمل خيري
https://www.elwatannews.com/news/details/725537

هتلاحظو لما تقرا الأخبار دي إن المدارس الشيعية كانت مش بتاخد سوريين بس، لا كل الشيعة من الجنسيات المحدوفة على مصر عشان يبقو طائفة كبيرة وتكتل شيعي كبير نتفاجئ قريب إنهم مئات آلاف، ومع كترة الإنجاب وكترة الدعوة للتشيع يبقو ملايين..

وفي منها قفلته الحكومة، لكن رجعو بشكل تاني

قامت حملة من الحكومة على المدارس دي بعد سقوط الإخوان 2013.. وقلنا خلصنا منها.. وإذ فجأة في سنة 2016 يطلع قرار من البرلمان بعمل 30 مدرسة للسوريين! يعني بقت رسمي !

والخبر منشور في الموقع التلفزيون المصري

http://cutt.us/4zcAi

والخبر للأسف مكتوب فيه إن ده حصل على موافقة الريس وبفلوس كويتية.

طب ليه الكويت احتفظتش بفلوسها وعملتلهم المدارس عندها؟!

عشان العالم كله بيخلص نفسه من أعباء وجود اللاجئين ومشاكلهم العرقية والطائفية وجرائمهم على أراضيه، وبيحدفهم على مصر، ويرميلنا حبة فلوس في المقابل، ده بخلاف إن بعض الجهات زي الاتحاد الأوروبي والأمم المتحدة وتركيا إلخ قاصدة زرع أعراق وطوايف في مصر.. نتيجتها في نشر الفوضى والتقسيم في البلد هيبان خلال 20- 30 سنة بالكتير

وعشان نعرف إنه فعلا العالم كله بيحمي نفسه من اللاجئين وحتى العمالة الأجنبية الزايدة قارنو اللي بيحصل في مصر من منح امتيازات وتوطين للاجئين بالخبر ده عن إن السعودية أوقفت إدخال سوريين أو يمنيين لاجئين جدد لمدارسها في إطار سياستها للحد من كترة الأجانب على أراضيها

https://ajel.sa/local/1835511

حجة اللهجة المصرية

في حجة خبيثة بيقولها السوريين والمتواطئ معاهم عن ليه بيعملو مدارس خاصة بيهم.. يقولك علشان نخفف عن مصر عبء تكاليف دراستنا في المدراس الحكومية

وده كدب.. لأن لو كدة كانو دخلو مدارس مصرية خاصة مش عملو مدارس مخصوصة ليهم

وفي حجج تانية بيقولوها السوريين عن سبب عمل مدارس ليهم.. وهي إنهم مش بيفهمو اللهجة المصرية !

لكن الحقيقة هي علشان يحافظو على الهوية السورية الإخوانية، أو السورية الشيعية، ويطلعلنا مجتمع موازي وأعراق، والدليل إن التلاميذ الخلايجة مكنوش بيشكو من لهجة المدرسين المصريين لما راحو يدرسولهم في الخليج مثلا

فبأي عقل يعني إن السوريين في مصر نفسها ما يفهموش اللهجة المصرية؟

 

المصدر

فيسبوك صفحة نفرتيتى احمس مصر بالمصريين

التعليقات

لا يوجد
zedony.com - A mmonem.com production. Privacy Policy