اهداف الموقع و كيف يعمـــــــــــــل الموقـــــــــع

15
8
الى كل عضو جديــــــــــــــد فى موقعنا اهلا بك ونتمنى ان تقرأ محتوى هذا الموضوع لتعرف هدف الموقع وكيف يعمل لتكون من الاعضاء المتميزين بالموقع

- فكرة الموقع جديدة فالهدف الرئيسي من الموقع هو نشر المعرفه وزيادة الوعى بين مستخدميه عن طريق طرح اسئله واجوبه عليها وعن طريق مقالات هامه وموضوعيه.

- الموقع ده مش منتدى بمعنى لانريد فى الاجابات شكر وخلافه(لو لابد منها ممكن تضعها فى التعليقات)وياريت برضو التعليقات تكون بناءة ومفيدة تخدم المستخدمين يعنى عايزين معلومات مفيده فى نفس ذات الموضوع

ماهى النقاط :--------------
لو عجبك موضوع او سؤال او اجابة وحسيت انها مفيدة هاتزودها نقطة
عن طريق اليد الخضراء اما اذا لم تعجبك فممكن تنقصها نقطةعن طريق اليد الحمراء

وهذة هي قوانين النقط الحالية:------------------------------

1- كل سؤال او مقال يزيد نقطة تزود صاحب السؤال او المقال 5 نقط

2- كل إجابة تزيد نقطة تزود صاحب الإجابة 10 نقط

3- تقدر تزود او تقلل أي سؤال أو أي إجابة مرة واحدة فقط

4- محدش ينفع يزود او يقلل اسئلته اومقالاته او اجاباته

5- اذا كان هناك سؤال اواجابة او مقال سيئ ونزلته نقطة: العضو صاحب الاجابه او السؤال السيئ بينزل 2 درجه والعضو اللي بينزل اي سؤال او اجابه هو كمان بينقص 1 درجه علشان كل واحد يفكر جيدا قبل ما ينزل التقييم

عموما كلما كانت مشاركاتك مقالات او إجابات حلوة ومفيدة أو أسئلة جديدة متميزة بتزيد نقاطك

قبل البدء فى كتابة اى موضوع(سؤال او مقال)ارجو قراءة الأتى:---------------------------------------------------------
- البعد عن استخدام الألفاظ النابية وخدش الحياء العام
بمعنى البعدعن التعليقات المش لطيفة او التى تخرج عن الاداب العامة الموقع هنا لافادة الناس يعنى اللى عنده تعليق بناء ومفيد يقوله والا سوف تتعرض لحذف عضويتك

- عدم التعرض لخلافات دينية ، مذهبية ،سياسية

- عدم نشر أو ترويج لأي فكر مذهبي أو سياسي

- يرجى من الاعضاء البحث عن الموضوع قبل كتابته يعنى واحد كاتب نفس الموضوع بلاش نكرره الا اذا كان يحتوى على معلومات مختلفة

- ياريت فى كتابة العناوين انها تدل على مابداخلها وليس عنوان عام علشان اكبر عدد من الاعضاء يدخل الموضوع ولا يتركه ويرحل وبالتالى يؤثر على عدد نقاطك

- لوسمحتم من فضلكم كل واحد بيكتب مقال او اجابة ارجوكم يتأكد من معلوماته جيدا وياريت لو يكتب لنا مصدر المعلومات ايه علشان المصداقية سواء كان كتاب او موقع الكترونى موثوق منه

خاص بوضع الصور والفيديو:
1- مفيش صور أو فيديوهات مبحبحة شوية لا من قريب ولا من بعيد بمعنى انها لاتخرج عن الاداب العامة والاخلاقيات ولا حتى بتلميحات غير مباشرة
2- تكون في صميم الموضوع
3- مفيش صور أو فيديوهات شخصية

امكانيات الأعضاء:------------------
- يستطيع كل عضو أن يعدل في اسئلته او مقالاته وكذلك الاعضاء التي نقاطهم اكثر من 1500 نقطة

- يستطيع اى عضو ان يضيف تصنيف اى موضوع اذا رأه مناسب
- يستطيع كل عضو حذف أسئلته لو عايز بشرط ما يكونش حد جاوب عليها

- يستطيع كل عضو أن يحذف او يعدل إجاباته او مقالاته إذا أراد

- يستطيع كل عضو ان يحذف تعليقه اذا اراد

- يستطيع كل عضو ان يحجب اي اجابه او سؤال غير لائق واذا ثبت انها فعلا غير لائقة سوف يتم حذفها اما اذا ثبت انها غير ذلك قد يعرضك الى سحب عضويتك

- يستطيع كل عضو ان ينشر مايعجبه من اسئلة او اجابات او مقالات علي صفحته على الفيس بوك

- يستطيع كل عضو أن يضغط على رابط بند التصنيف الذى يريده لعرض كل المواضيع التي لها نفس التصنيف

- عند اجابة او تعليق اى عضو اخر على مشاركتك هايجيلك اخطار بذلك عن طريق الظرف المغلق بجانب بيانات عضويتك وكم عدد هذه الاخطارات

- يمكنك الضغط على أسم اى عضو لعرض جميع مشاركاته من اسئلة او اجوبة او مقالات

- يمكنك اضافة اى موضوع يعجبك الى مفضلاتك فى زيدوني للرجوع اليها سريعا وذلك بالضغط على القلب اسفل التقييم فيتحول الى اللون الأحمر ويمكن الرجوع عنها بالضغط مرة اخرى على القلب فيتحول الى اللون الرمادي مرة اخرى

-تستطيع كتابة عنوان جانبي باللون الاخضر بانك تدوس شيفت و الرقم 6

- تستطيع ان تلون كتابتك بلون مختلف(برتقالي) اذا دوست على شيفت و الرقم 8 بمعنى انك تعمل نجمتين بين الكلام المراد تلوينه

اذا اردت ان تستخدم هذا الوجه :( دوس على : ( القوس فوق 0 )
و هذا :) تدوس على: ) (القوس فوق 9 )
وهذا :D دوس : D
وهذا :P دوس : P
وهذا :O دوس : O
وهذا :'( دوس : ' (

اذا اردت ان تغير صورتك على الموقع انظر هذا الموضوع:
http://www.zedony.com/index.php/article/view/id/2791

اذا اردت ان تنسخ رابط لأى مشاركة قم بوضع رقمها بين الرمزين @ و @ ودى نجيبها من شيفت والرقم 2

الرقم بتلاقيه فوق في مستطيل الروابط اعلى الصفحة اللى بيكون مكتوب فيه زى كدا
http://www.zedony.com/index.php/article/update/id/716
الرقم المطلوب هو: 716 وهانضعه بهذه الطريقة @ 716 @ ولكن بدون مسافات
النتيجة هى: اهداف الموقع و كيف يعمـــــــــــــل الموقـــــــــع

بالنسبة للرسائل:
يمكنك ان تدوس على العين الموجودة بجوار رد ومسح... وهذا يدل على انك قرأت الرسالة وهذا يؤدى الى تغير لون الكلام من الازرق الى الاسود وبالتالي سيظهر لراسل هذه الرسالة انك اتطلعت عليها


مطلب شخصي جدا ياريت ياريت نفجر ابداعنا الداخلي وتكون مقالاتنا مميزة علشان نكون موقع متميز باعضاءه المميزين

 

إضافة منذ 7 عام
الكاتب الأصلي
تعديل منذ 3 عام

التعليقات

الاستاذة منذ 7 عام
🙂 حلو قوي كتالوج الموقع ده
يا ريت يوضع في الصفحة الرئيسية باستمرار مع الايقونات الرئيسية. +1
🙂 🙂 🙂
زغباوية منذ 7 عام
ايوة فعلا عندك حق
Lady Rasha Reda منذ 7 عام
ميه ميه!!
أم يوسف منذ 7 عام
حلو قوي الروح اللي موجوده في الموقع
safaa منذ 7 عام
وانتى احلى ياام يوسف
أم يوسف منذ 7 عام
ربنا يخليكي يا طنط
ahmed منذ 7 عام
كده كويس وياريت الموضوع ده يتثبت
ahmed منذ 7 عام
ياريت توضيح اكتر لجملة ( فيديوهات مبحبحة شوية لا من قريب ولا من بعيد)
safaa منذ 7 عام
أكثر من كدة حلاوة ..حرام عليكى دا ...هرمنا ..هرمنا ..هرمنا
زغباوية منذ 7 عام
اولا تكون في صميم الموضوع
ثانيا لاتخرج عن الاداب العامة والاخلاقيات ولا حتى بتلميحات غير مباشرة

زغباوية منذ 7 عام
شكرا جزيلا:(
ahmed منذ 7 عام
طيب ما تكتبوها كده
زغباوية منذ 7 عام
حاضر علم وينفذ وشكرا جزيلا
safaa منذ 7 عام
bigestman منذ 6 عام
حقيقة انا لاأجد كلام ينفع أعبر به عن انبهاري بفنبة وحرفية تصميم موقعنا المتفرد اتمني لك دوام التوفيق يا باشمهنس محمد
miro ali منذ 6 عام
موقعقم متميز و محترم جدا و مفيدا ربنا يوفقكم
yarakhaled منذ 5 عام
شكرا 😞
safaa منذ 5 عام
اهلا بك يارا نورتى الموقع
B منذ 3 عام
فكرة الموقع وقوانينه قيمه جدا ومفيده لكن عندي تعليق بسيط علي القانون دا
B منذ 3 عام
5- اذا كان هناك سؤال اواجابة او مقال سيئ ونزلته نقطة: العضو صاحب الاجابه او السؤال السيئ بينزل 2 درجه والعضو اللي بينزل اي سؤال او اجابه هو كمان بينقص 1 درجه علشان كل واحد يفكر جيدا قبل ما ينزل التقييم
B منذ 3 عام
فكرة الموقع جميله جدا وبالنسبه للقانون التالي لو يتعدل هيبقي افضل ويبقي في حريه ف التعبير اللي هو بتاع لو حد قيم موضوع انه سئ. يقل نقطتين دا
B منذ 3 عام
5- اذا كان هناك سؤال اواجابة او مقال سيئ ونزلته نقطة: العضو صاحب الاجابه او السؤال السيئ بينزل 2 درجه والعضو اللي بينزل اي سؤال او اجابه هو كمان بينقص 1 درجه
B منذ 3 عام
رايي ان دي حريه شخصيه لاي حد يقيم حد بالايجاب او السلب دون سلبه نقاطه
زغباوية منذ 3 عام
ايوا علشان المفروض اننا بنحط حاجات مفيدة وقيمة ..وعلشن العضو يفكر قبل ماينزل موضوع مش كويس
زغباوية منذ 3 عام
وعلشان يكون فيه تنافس على الأفضل بس عموما هانستنى اجابة الريس
safaa منذ 3 عام
safaa منذ 3 عام
نورت الموقع يامحمد
B منذ 3 عام
دا نورك
zedony.com - A mmonem.com production