حد عنده معلم القراءة بتاع زمان؟

7
0
حد فاكر معلم القراءة اللي علمنا القراءة والكتابة زمان؟

حد لسة محتفظ بيه عشان نقدر نعمل مسح ضوئي لصفحاته ونستعيد الذكريات الجميلة دي وولادنا ممكن يستفيدو هم كمان.

على ما أذكر إنه الكتاب اللي كان فيه نشيد قطتي صغيرة واسمها نميرة

 

التعليقات

safaa منذ 6 عام
فكرتنى بالذى مضى:(
ممكن ادور علية وأكيد موجود فى الاسواق
mora منذ 6 عام
الكتاب دا متوفر بالاسواق بس غلافه اتغير بجد كان جميل جدا ان شاء الله هشتريه
MaDa منذ 6 عام
هحاول إن شاء الله 😞
الباشمهندسة منذ 5 عام

زغباوية منذ 5 عام
صورته فى اجابتي تحت

الإجابات

5
أنا فاكرة إن كان فيه زرع . .حصد 😃
وممكن الاقيه عندي .
إضافة منذ 6 عام

التعليقات

محمد عبد المنعم منذ 6 عام
يبقى جميل لو قدرتي تلاقيه وتمسحيه ضوئيا وتحمليه لينا هنا
شيماء مصطفي منذ 6 عام
أمسحه ضوئيا دي يعني أعمله سكانر ؟؟ ولا حاجة تانيه ؟
محمد عبد المنعم منذ 6 عام
بالضبط !
شيماء مصطفي منذ 6 عام
OK
safaa منذ 6 عام
+1 فكرة حلوة
3
عندى منه 4 نسخ والولاد بيذاكره منه على طول
وهو هو زى بتاع زمان ومتوفر بالاسواق والمكتبات بس للأسف معنديش سكانر علشان احطهلكم بس ممكن اكتب لكم الصفحات بتاعته صفحة صفحة:(

لاقيت صورته :




إضافة منذ 6 عام

التعليقات

شيماء مصطفي منذ 6 عام
وانا كمان ماعنديش سكانر وممكن أكتب معاكي . .أنا عندي الكتاب
الباشمهندسة منذ 6 عام
اكيد مش هو دا اللي محمد يقصدة ... هو عايز النسخة القديمة بالجلدة بتاعت الكتاب القديم المرسومة واكيد فيه تعديلات كتير اتعملت عليه يعني انتي عايزة تجيبي كتاب من 35 سنة يبقي زى ماهو مفيش تعديل مش ممكن دا حتي يبقي تخلف من دار النشر
زغباوية منذ 6 عام
هى فعلا ماتغيرتش وده شئ جميل وده مش تخلف ليه مانقولش اصالة وثبات لانه فعلا جميل وبيحسسنا بالذكريات الجميلة
mora منذ 6 عام
بس الكتاب دا مكتوب عليه (الجزء الاول )يعنى فى جزء تانى وكمان حسه ان الكتاب اكبر فى عدد صفحاته من زمان مع ان كل ما به لم يتغير بتاتا
زغباوية منذ 6 عام
ولو بصيتى ورا كمان هاتلاقي فيه معلم الحساب بس سألت صاحب المكتبة قالى مش بينتجه غير ده يعنى ولا فيه جزء تانى ولا معلم حساب ولا حاجة بس برضوا ممكن نسأل فى المكتبات الكبيرة او في الفجالة جايز نلاقي
الباشمهندسة منذ 6 عام
لم اقصد من التخلف كاهانة كان قصدي ان التطور امر طبيعي في اي حاجة في حياتنا يعني هما كانو غيرو من امل وعمر وبعدين بقيت سحر وشادي وبعدين اخيرا امير واميرة ونبيل يعني لازم يجاري العصر في طريقة التعليم في الكلمات في الصور والرسومات في الموضوعات ...الخ
4
دا فيديو واحد مجمع كل كتب المراحل الابتدائي في الثمنينات .

انا اتعرفت علي كتب كتير جدا منها ... اتمني تلاقي الكتاب اللي بتبحث عنه فيهم


إضافة منذ 5 عام

التعليقات

زغباوية منذ 5 عام
+1
Lady Rasha Reda منذ 5 عام
يا عينى يا عينى ،، قلب الزوجه برده ،، ربنا يخليكى ليه يا باشمهندسه ، و يديم عليكم الالفه
الباشمهندسة منذ 5 عام
الف شكر يا رشروشة .... وحشتني انتي فينك من زمان ؟
يلزم أن تقوموا بتسجيل الدخول حتى يتسنى لكم إضافة إجابة لهذا السؤال
zedony.com - A mmonem.com production