انت تبع اي حزب ؟

6
0
طبعا في ناس كتير لا تتبع احزاب بعينها وده لانها ماتعرفش ماهي الاحزاب المختلفة وتوجهتا ولكن بالصدفة وجدت اعلان واخد جايزة احسن اعلاني كارتوني في ساقية الصاوي هو ده :

خلي عندك صوت




ومنه عرفت انه ده شعار موقع معين اسمه vote4egypt هدفة نشر الوعي ببعض الاحزاب والتعريف ببعض المرشحين

طبعا مش لازم الواحد يصدق واو يمشي ولا اي حاجة مكتوبة علي النت لانه ممكن يكون بيوجه ناحية تفيده هو شخصيا او له اهدافه الخاصة لكن اللي عجبني هو صحفة فيه فيها 27 سؤال لما تجاوبهم بيقربك للحزب اللي بيتفق مع توجهاتك الفكرية السياسية

وممكن نعملها مشاركة او لعبة ونعرف منها هل هما ناس بجد يهمهم مصلحة البلد ولا الموضوع كفته بالرز :(

لو انت اصلا منتمي لحزب معين ياريت تعرفنا عليه وايه هي ثقافة سياسية ممكن تفيد وتفتح مجالات للمناقشة.


دي صفحة الموقع اللي فيها الاسئلة
http://www.vote4egypt.com/main

 

إضافة منذ 13 عام
غير محدد
تعديل منذ 13 عام

التعليقات

زغباوية منذ 13 عام
انا منتمية للحزب بتاعى وهو حزب خاص بيا ومحدش يعرفوا اساسا واللى عايز ينضم لينا اهلا وسهلا
الحزب اسمه حزب ستـــــــــات البيوت لان احنا (ستات البيوت )لازم يكون لينا دور وعلى رأى المثل الأم مدرسة ان اعددتها اعددت شعبا طيب الأعراقى
بس بصراحة بالنسبة للاحزاب اللى بتتكلموا عنها مش منضمة لأاى حزب وحتى الانتخابات الجاية مش عارفة هاصوت لمين ولا اعرف حتى مين المترشحين يالا ربنا يستر
loleta1 منذ 13 عام
انا كمان كنت هأكتب كده بس سبقتيني وماله انتي الأساس:-9
(
الباشمهندسة منذ 13 عام
ماهو هو ده الهدف الرئيسي لهذة المشاركة احنا مش عارفين المرشحين ولا الاحزاب ولا اي حاجة في التفاصيل السياسية الهامة وعايزين حرية وعدالة اجتماعية وحكومة مدنية ... الخ طيب ازاي يعني بردو نلف نلف ونرجع مانبقاش عارفين حاجة ويا إما نشارك في الانتخابات ورا اي حد والسلام وممكن يكون اختيار خاطئ وإما انا احنا اصلا مش هننتخب وكدا يبقي ماعملناش حاجة ولسي سلبيين زي ماحنا .... ايه رأيك
الباشمهندسة منذ 13 عام
اقصد اقول كل واحد عنده وعي او توجه سياسي يشرحوه لينا واحنا منه هنقدر نتعرف علي اراء كتير ونختار اللي يناسب افكارنا وتوجهتنا الشخصية
الباشمهندسة منذ 13 عام
تقصدي مين يا لوليتا زغباوية في ردها ولا انا في المشاركة ؟
loleta1 منذ 13 عام
لأ زوزو

الإجابات

2
بصي ياباشمهندسة كل الأحزاب دي بتخدم مصالحها مش مصالح البلد انا تبع حزب مصلحة الوطن يعني أي نشاط سليم مافيهوش غش وعليه أستفتاء أو مطلوب فيه مشاركة وتعاون وتبرع بالوقت والجهد كده معلن للجميع كل تفاصيله هأشترك فيه من قريب أوبعيد في كل المجالات لكن الناس بتاعة الكلام دي لاهأنضم ليهم ولا هأرشحهم في أي انتخاب
إضافة منذ 13 عام
loleta1
14181

التعليقات

shady منذ 13 عام
يعينى على العقل
3
للأسف زي ما في ناس عارفة أنا مش فاضي للسياسة ... لكن لو فضيت بعون الله مش هتهد لحد ما أوحد فكر وأسلوب لتوحيد الفرقاء المخلصين وكشف وفضح المنتفعين

مفيش مانع طبعا أقبل منصب رئيس الجمهورية ... صحيح أنا ليا كام شرط كده بس أنا أعتقد انهم هيقبلو شروطي كلها
إضافة منذ 13 عام

التعليقات

shady منذ 13 عام
جميلة الثقة بالنفس 😞
الباشمهندسة منذ 13 عام
بالرح بالدم نفديك ياريسنا .... ان شاء الله .... وراك وراك حتي لو مسكت رئيس المريخ.
محمد عبد المنعم منذ 13 عام
الكلام مش وقته خالص ... العمل هو المفيد
منقولش إيه إديتنا مصر ... نقول هندي إيه لمصر
loleta1 منذ 13 عام
هههههههههههههههههههه هو ورانا ورانا ننزل الشوارع ورانا ندخل على النت ورانا نركب الأتوبيس ورانا بالروح بالدم نفديك يازعييم أنط من الموقع بقى قبل مأخد كلمتين:-D
يلزم أن تقوموا بتسجيل الدخول حتى يتسنى لكم إضافة إجابة لهذا السؤال
zedony.com - A mmonem.com production. Privacy Policy