موضة الاسماء

معظم اللي بيختار الأسماء دي بيبقى عايز يحس انه متميز ومختلف وخلاص ومش بيبقى هدفه التيمن بإسم أو معنى جميل ... على رأي محمد صبحي في مسرحية الجوكر

الله ! طب ماحنا برضه أهوه

والدليل على كده أن كل اللي بيسمع الإسم مش بيبقى عارف المعني لو من القرآن أو غيره ... هتلاقي معظم السطحيين بيردو ويقولو يا سلام ده إسم جميل قوي !!! كل ده عشان فيه حروف متفرنجة شوية. وبعد ما يسمي المولود يجري يدور ويعمل مؤتمرات صحفية لشرح معنى الأسم.

مالها الأسماء الكلاسيكية الجميلة : فاطمة - صفية - عائشة وغيرها وغيرها وغيرها من الأسماء الجميلة

الطريف في الموضوع ان الغرب نفسهم بيسمو أسماء كلاسيكية بالنسبة ليهم وممكن تكون كمان لها خلفية دينية زي John أو Christina مثلا

على راي الكبير في المسلسل .. لو ولد يسميه العترة ولو بنت يسميها دام العز ههههههههههههههههههههه

بصوا مافيش مانع من أي إسم مدام مش مخالف دينيا وأيه المانع لما نسمي أسامي جديدة التجديد حلو
انا شخصيا إسميلميس ومعناه ناعمة الملمس وهو عربي جاهلي ومكتوب فيه شعر كمان
وأختي أسمهارانيايعني قريبه
وليا أخت أسمها دارينوهو أسم مدينه بيصنع فيها المسك في العراق
وأغرب أسم سمعته اليومين دول أسم كرمه وهو من كرم العنب
وبرضه رفيف

انا اجابتي هتبقا زي لوليتا تقريبا المهم ان الولاد يبقوا عارفين معنى اسمائهم مش يبقا اسم غريب وملوش معنى كمان عشان في ناس بتسمي اسماء عيالها عشان تكون متميزة بس يعني زي : نورهاد ويسر و منن وده مش عشان حاجة بس عشان يبقو غير الناس التانية

القران الكريم فيه اسماء كتيرة للبنات والاولاد
وعلى فكرة سمعت اننا هنتحاسب على تسميتنا لاولادنا
وبعدين موضة ايه وبتاع ايه حتى الاسماء الناس مشية ع الموضة مش كفاية الموضة فى اللبس اللى لبتتناسب مع ديننا ولا عاداتنا