هل أنت مستعد لدور أكبر في موقع زيدوني.كوم؟

7
1
هدفنا الوصول لـمليون عضو على الأقل منهم 100 ألف نشطين يدخلون الموقع بشكل شبه يومي.

صحيح إن الموقع مازال يحتاج الكثير والكثير من الجهد والعمل المتواصل ... لكن أنا لوحدي مش كفاية خالص.

محتاجين مبرمجين - مطوري قواعد بيانات - مختبرين - مصممين جرافيك - مراجعين مواد علمية - مراجعين لغة عربية - مصنفين - مشرفين - ..... إلخ

محتاجين ناس تعرف الناس بالموقع

محتاجين ناس عندها أفكار جديدة نضيفها للموقع

محتاجين ناس عندها حماس وروح (زي الزغباوية كده)

حد شايف نفسه مناسب لأي دور من الأدوار دي أو دور أنا مذكرتهوش؟

لازم أنوه طبعا ان الموقع ليس له أي موارد والله يعيني على المصاريف بتاعته فليس هناك في الأفق أي مقابل أقدر عليه نظير أي دور من الأدوار. ممكن حد يقوم بأي من الأدوار دي مقابل انه يتعلم حاجة جديدة مثلا ... أو انه ممكن يعمل لنفسه سمعة وشهرة كويسة تنفعه فيما بعد. أو أنه يحس أنه بيفيد العرب أو المسلمين ... أو أو أو


إضافة:

ياريت اللي يلاقي نفسه عنده رد يجاوب ويقول هو يقدر يعمل إيه؟

 

إضافة منذ 13 عام
غير محدد
تعديل منذ 12 عام

التعليقات

زغباوية منذ 13 عام
مش عارفة اقول ايه والله كفاية بس انك مشجعنى مع انى الفترة اللى فاتت مجهودى فى الموقع مش كويس خالص لكن معلش فترة وهاتعدى ان شاء الله وارجع انشط من الاول والبركة فى الاعضاء النشطاء اللى اثروا الموقع ويارب نوصل لاكتر مابنحلم
وانا عن نفسي معاك في اى حاجة ومستعدة انى اتعلم اى حاجة في سبيل انى اساعدك
وكفاية فعلا ان هدفنا نفيد الناس كلها ونوصلهم المعلومة فى ابسط وأدق صورة
محمد عبد المنعم منذ 13 عام
با للا شدي حيلك !
زغباوية منذ 13 عام
ان شاء الله اسبوع كدا وارجع لكم نشيطة

الإجابات

6
دي فكره حلوه جداً. أنا مستعد لمراجعة المواد العلمية (الهندسية) والمواد المتعلقة بالصيانة المنزلية.

بالنسبة لمصاريف الموقع، ممكن ناخد فكرة أد إيه؟ يمكن نقدر نساعدك؟

ربنا يقويك.
إضافة منذ 13 عام
Albert
1384

التعليقات

زغباوية منذ 13 عام
ولاقينا اول متبرع اهوه الحمد لله
اصل تقريبا حاسة بالذنب عمالة اشجع معنويا انما فى الدفع والماديات بخلع على طول بس انت عارف الايد قصيرة ولو ينفع مش هاتأخر وهاتلاقينى اول واحدة معاك
زغباوية منذ 13 عام
وربنا يكتر ولاد الحلال
safaa منذ 13 عام
فعلا هى دى الصداقة ياالبرت..ربنا يبارك فيكم ويعينكم لتحقيق ماتتمنوة +1
5
تمام يا فندم .... اي خدمة برمجة ماشي ... مشرفين ماشي ... تنظميات ماشي .... تصحيح اخطاء ماشي ....اللي تشوفه حضرتك وما حدش عاوز يعمله ماشي 😞

ملحوظة
مش عاوزه عائد مادي ولا مقابل نظير العمل التطوعي ده .... ربنا معاك ويعينك
إضافة منذ 13 عام

التعليقات

زغباوية منذ 13 عام
100 100
shady منذ 13 عام
good
أم العيال منذ 13 عام
ياسلاااااام ياولاد هي دي الستات ولا بلاش
loleta1 منذ 13 عام
+1 قصدك ست الستات اللى على حب وراحة جوزها تبات
هى دى الهندسة
الباشمهندسة منذ 13 عام
ايه الاحراج ده بس .... اخجلتم تواضعنا
4
بص ياريس انا طبعا فى الخدمة مدام الكمبيوتر مش خربان حاليا ممكن أساعدكم فى اى حاجة بس اتعلمها الأول اما عن التنظيم الترتيب ألاشراف ممكن اعمل كل ده
إضافة منذ 13 عام
loleta1
14181

التعليقات

زغباوية منذ 13 عام
تسلمي يالوليتا
safaa منذ 13 عام
انتى فعلا ادها وادووود يالولو +1
3

انا جاهزة لاى عمل يطلب منى علشان خاطر عيون الموقع ومدير الموقع
إضافة منذ 13 عام
safaa
50518

التعليقات

لا يوجد
5
فهمت هاروح المدرسه دلوقتى وأن شاء الله أرجع أقوللك كل اللى فى بالى للموقع،
و ربنا معاك
إضافة منذ 13 عام

التعليقات

محمد عبد المنعم منذ 13 عام
شكرا ومنتظرين الكثير إن شاء الله
الباشمهندسة منذ 13 عام
المدرسة ....؟؟؟ بتدرسي ايه؟ لازم تقعدي علي كرسي الاعتراف عشان نتعرف عليكي اكتر 😃 😃 😃 😃
عدنا مع ... مين اللي هيقعد على كرسي الاعتراف .. الآن مع الضحية العشرين ..المهندس/ Ahmed Hussien
2
والله ان شاء الله فى خلال شهر هكون معاك فى البرمجه ان شاء الله
إضافة منذ 13 عام
Eng Ahmed
7237

التعليقات

زغباوية منذ 13 عام
متأخر اوى ياباشمهندس عايزين بجد شغل جامد علشان الموقع يطلع للنور باقصى سرعة والريس لوحده كطتير عليه واحنا للاسف لانفقه شء في البرمجة
همتك شوية ياباشمهندس احنا كلنا حاطين امالنا فيك
Eng Ahmed منذ 13 عام
ان شاء الله ادعولى بس 🙂
محمد عبد المنعم منذ 13 عام
والله هكون في منتهى السعادة ... بس ياترى ممكن أعمل إيه عشان يبقو أسبوع؟
Eng Ahmed منذ 13 عام
توجيه بس يا ريس 😞
يلزم أن تقوموا بتسجيل الدخول حتى يتسنى لكم إضافة إجابة لهذا السؤال
zedony.com - A mmonem.com production. Privacy Policy