مسلسل سيدنا يوسف حلال ولا حرام

أعتقد ان لو عرض مسلسل عن حياة أي نبي شيئ حرام (وهو ده رأيي برضه) يبقى مجرد الفرجة على المسلسل ده يبقى برضه حرام لأن بالشكل ده يبقى اللي أنتج المسلسل نجح نجاح باهر ولن يتوانى عن انه يحاول ينتج بعد كدة مسلسل عن النبي محمد صلى الله عليه وسلم ذاته بنفس المنطق والمبررات.

لكن لو حقيقي كل واحد توقف عن مشاهدة المسلسل ده يبقى مفيش اعلانات يبقى مفيش تسويق للمسلسل يعني خراب على المنتج يبقى مش هيعمل كدة تاني.

طبعا أكيد في ناس هتقول: "ده أنا هتفرج عليه ومش هأذي حد ومش هتأثر بالمفاهيم اللي فيه" ... أنا بقول للناس دي : الله يهديكم!

لان اولا المعلينين في القنوات مش هايءدرو يحسسو بمدي الإقبال ومشاهدة المسلسل قبل شهرين تلاتة دة لو دي مدة عرضوا ثانيا في رايي ممكن عمل مسلسل عن الانبياء بهدف توصيل المعلومة بشكل معاصر وشيق ومتسلسل وجديد ومن خلال وسائط جديدة ولاكن الكلام يكون علي تحريم تجسيد شخصية النبي في ممثل او اباحتة (((((((( مع الخصوصية الشديييييييييدة لحالة (سيد الخلاق) محمد علية الصلاة والسلام )))))))وبالنسبة لهذا فقد شاهدت حلقة خاصة تستضيف عالمين او استاذين واحد معارض والاخر مجيز فالامر مترووووووووك للعالم وليس المشاهد وبالاخص الأزهر الشريف وكبار رجال الدين واتمني عدم مناقشة الامور الدينية هنا لاننا لسنا اهل الإفتاء فيما هو حلال او حرام ومن الاحري مقاطعة قنوات الاغاني والمواد الاعلامية الهابطة والله اعلي واعلم

يعنى ما هو مش منطقى ان الممثل اللى النهارده عامل سيدنا يوسف ممكن يطلع فى مسلسل اخر منحرف لان الناس هيرتبط فى اذهانها ان ده كان بيمثل دور نبى فمش معقول بعد ما يمثل دور نبى يمثل دور عادى
عشان كده مينفعش حد يجسد النبى ابدا ولا الصحابه ولا الملائكه وفيه طرق كتير لتوصيل المعلومة غير التجسيد
نقطه كمان ان مين قال ان الاحداث فى المسلسل كلها صح ممكن حاجات تكون لازمة لحبكه دراميه معينه من خيال المؤلف وساعتها فيه ناس بيستمدوا معلوماتهم الدينيه من المسلسلات ويرسخ عندهم مفاهيم غلط او احداث مش صح