اطارات السيارات
عندي معلومة احب اشاركها معاكم، بس هحطها على شكل سؤال ذي نصيحه تانت safaa
لو هاتغير إطارين فقط من اطارات عربتك، تحط الاثنين الجداد في الامام ام فى الخلف؟
إضافة منذ 13 عام
غير محدد
التعليقات
الإجابات
يقول الأسطى بلية صبي الميكانيكي اللي على الناصية في المنطقة الشعبية التي أقطن بها:
هنحط العجل الجديد في الأمام عشان العجل الأمامي أخطر من الخلفي في حالة انفجار أيا منهم - لا قدر الله
التعليقات
انا لسه المعلومة دي متقاللي قريب لما فكرت اغير اطارات العربية فقالولي ابدئي بالاتنين الاماميين قبل الخلفببن لان الخطورة تكمن في الاماميين اكثر وربنا يكفينا ويكفي الجميع شر السيارات بكل انواعها
التعليقات
انا هابتدي بالإجابة, وبعدين هاقول السبب وفي النهاية هاحُط رابط لفيديو بيشرح الكلام ده وبيعرض مقارنة بين وضع الأطارات الجديده في الأمام ووضعها في الخلف.
الإجابة هي: الإطارات الجديدة في الخلف وليس في الأمام؟
شرح السبب: ببساطة كده في قانون لازم تعرفوه, وهو "الإطارات التي تتزحلق تريد ان تكون في المقدمة" وعلشان ابسط الفكره هاديكو مثال, عارفين لما بتشوفو في الأفلام حد بيشد فرامل اليد والعربية بدور ١٨٠ درجة؟ ده بالضبت الي انا بحاول اوصفة لأن فرامل اليد بتوقف العجل الخلفي فبيتزحلق, وطبقاً للقانون بتحاول تكون في المقدمة, وعشان كده العربية بدور حول نفسها. بالمقارنة... لو الإطارات القديمة في الخلف - وطبعاً بسهوله بتتزحلق - ممكن تخلي العربية تدور حول نفسها.
على فكرة... انا جربت الكلام دة في مدرسة سواقة وفعلاً ده صحيح ١٠٠%.
الرابط:
التعليقات
يلزم أن تقوموا بتسجيل الدخول حتى يتسنى لكم إضافة إجابة لهذا السؤال