خلطة البهارات والتوابل اللي بتتباع في المحلات

3
1
خلطة البهارات والتوابل اللي بتتباع في المحلات (أسمها سبرنكل) ريحتها جميلة جدا جدا ...

الخلطة دي تعتبر زي الدقة ممكن تتحط على معظم الأكلات حتى الخبز الحاف وبتعطي طعم رهيب

الخلطة دي رخيصة جدا جدا لكن المشكلة إني خايف جدا أن يكون مضاف ليها أي مكسبات رائحة زي اللي بتتحط في الشيبسي والمقرمشات الأخرى واللي ممكن تبقى في منتهى الخطورة (زي ما ورد في السؤال: ماذا تعرف عن مونو صوديوم جلاتيمات؟) لأن مكتوب في مكوناتها كلام عايم جدا

إزاي ممكن نعمل خلطة زيها تبقى بنفس الرائحة والطعم. ويا ريت تبقى الوصفة مفصلة جدا

 

التعليقات

الباشمهندسة منذ 13 عام
وماله الملح والفلفل ويلا كمان كمون وحش لازم خلطة معقدة عشان الاكل يسلك:p
محمد عبد المنعم منذ 13 عام
لأ ... حقيقي الطعم مفيش زيه ... بس قلقان منه لو نويت أستخدمه هحطه على كل حاجة ماعدا المربى والحلوة والأيس كريم
زغباوية منذ 13 عام
مدام من برة يبقى اكيد فيها مواد مش طبيعية
محمد عبد المنعم منذ 13 عام
عارف ... عايز وصفة بديلة تدي نفس الطعم ... ممكن تشتريها وتدوقيها وبعدين ترميها ... ثمنها 2 أو 3 جنيه فقط
زغباوية منذ 13 عام
طيب لغاية ماشتريها جرب الوصفة اللى تحت

الإجابات

1
ممكن تستعيض عنها بانك تعمل دوقة في البيت بالمكونات التالية وده طبعا حسب رغبتك يعني ممكن تشيل جزء حاجة تضيف حاجة

زعتر كتير- كمون- كزبرة -ملح بسيط -وفلفل بسيط - قرفة - حبة البركة-زنجبيل

دي الاساس ولو عايزها بطعم السمسم زود سمسم كتير

وممكن تزود بردقوش ليه نكهة مميزة برضوا


وتقدر تروح للعطار تقوله اسمها وهو يعملك زيها هما بيكونا فاهمين في الحاجات دى اوى
إضافة منذ 13 عام

التعليقات

محمد عبد المنعم منذ 13 عام
حلو قوي الكلام ده
زغباوية منذ 13 عام
اى خدمة انا عملتها وطلعت حلوة
مها شاهين منذ 13 عام
دي تنفع تتبيلة لكل حاجة
زغباوية منذ 13 عام
ايوة حلوة فعلا
5
ودى خلطة بهارات الشاورما

المقادير:
1 ملعقة طعام كمون ناعم .
1 ملعقة طعام كسبره ناعمة .
1 ملعقة طعام بودرة ثوم .
½ ملعقة طعام بابريكا .
1 ملعقة شاي كركم .
½ ملعقة شاي مسمار ناعم(قرنفل) .
½ ملعقة شاي فلفل أبيض .
1 ملعقة شاي زنجبيل ناعم .
1 ملعقة شاي فلفل أسود ناعم .
½ ملعقة شاي قرفة ناعمة .
الطريقة:
- اخلطي جميع المكونات معا وضعيها في علبة محكمة الغلق
- استخدمي 2 ملعقة طعام من خليط البهارات مع كل كيلو من الدجاج أو اللحم .
إضافة منذ 13 عام
safaa
50518

التعليقات

لا يوجد
4
ودى خلطة مجربة تحفة مع وجبة الافطار او العشاء

- كوب سمسم محمص مطحون
- 2 ملعقة كزبرة مطحونة
- 1 ملعقة ملح ناعم جدا
وتخلط المقادير وتقلب جيدا
إضافة منذ 13 عام
safaa
50518

التعليقات

زغباوية منذ 13 عام
+1 السمسم بيبقى لذيذ جدا فى الدُقة
يلزم أن تقوموا بتسجيل الدخول حتى يتسنى لكم إضافة إجابة لهذا السؤال
zedony.com - A mmonem.com production. Privacy Policy