اريد معرفة طرق مبتكرة لعمل البيض؟

عندي كام وصفة كدة

1.البيض الاومليت بالجبنة:

نحط الزبدة في الطاسة وبعدين نحط البض ولما نقلبه نحط جبنة شيدر او

متزاريلا على الوجه لحد ماتسيح وهتبقى كدة بتشد.
2.البض المسلوق :

بعدمانسلق البيض ونخليه يبرد في المية،نقشره وبعدين نقطع البيضة من

النص (ونشيل الصفارعلى جنب) ونحط فيها جبنه سائله اللي في كاسات ،
ونزينها بالفلفل الاخضر او الزيتون .

اما الصفار اللي شلناه ممكن نقطعه ونحط عليه مايونيز وفلفل اخضر والزيتون.

3.بطاطس بالبيض :

بطاطس واحدة مسلوقة ومتقشره ونجيب البيض والفلفل والزيتون ولو

ممكن (تحطي جبنة شيدر او رومي مبشورة )وتخلطيهم ببعض كلهم

وتحطيهم في الطاسه بس خلي بالك وانتي بتقلبي تكون مقصوصه كبيرة

علشان مايفكش من بعض .

البيض الأسكتلندي
المقادير
نصف كيلو لحم مفروم
بيض علي حسب افراد الاسرة
بصلة مبشورة
ملعقه صغيره بهارات مشكله
ملعقه زعتر
نص ملعقه بابريكا
نص ملعقه سماق
ملح+فلفل
بقسماط+دقيق+بيضة مضروبة
الطريقة
1-يخلط اللحم المفروم مع البصلة المبشورة والملح والفلفل و كل البهارات
2-يسلق البيض جيدا ويقشر ويدحرج علي الدقيق
3-نأخذ جزء من اللحم ونغطي به البيضة تماما ثم يدحرج علي الدقيق ثم يوضع في البيضة المضروبة ثم يغطي بالبقسماط
4-نضع البيض في الثلاجة من ساعة الي ساعتين تقريبا حتي يتماسك ويجمد شوية
5- يدخل الفرن حتى يتحمر بدل من القلى

دي كمان طريقة جميلة لأكل البيض وكل الكبار والصغيرين بيحبوها
العجة

المقادير

2بصلة مفرومة
3فص ثوم مفروم.
3حبة فلفل رومى الوان.
5بيضة.
ملح فلفل + رشة زعتر
2 ملعقة زيت زيتون.
2ملعقة لبن.
3ملعقة بقدونس مفروم.
1ملعقة دقيق.

الطريقة:

- شوحى البصل فى ملعقتين زيت زيتون حتى يصفروا.
- اضيفى الثوم وحبات الفلفل الرومى وشوحيهم لغايه ريحتهم ما تطلع كويس.
- اضربى البيض مع ملح وفلفل و2 ملعقه لبن و3 ملاعق بقدونس مفروم وملعقه
كبيره دقيق ورشه زعتر .
- اضيفى عليهم البصل وقلبيهم جيدا .
- ضعيهم فى صينيه مدهونه ودخليهم الفرن لغايه ما تحمر.

المقادير:-

بتجيبي بيض مسلوق + بطاطس مسلوقة ومهروسة+ بيض + بقسماط مطحون

الطريقة:-

بتحطي البطاطس على البيض لحد لما البضة تتغطا خالص ومش تبان

وبعدين تنزيلها في البيض والبقسماط وبعدين تتقلي في الزيت.


وبالهنا وبالشفا

جربتي تعملي بيض مشوي قبل كده .. اشويه هيعجبهم اوي
وبعدين ليه معذبة نفسك .. افصلي بين البيض يوم و ويوم عشان ينسوا الطريقة اللي اتعملت بيه في اليوم اللي قبله ههههههههههههههههههه

البيض بالسبانخ

دي وصفة اتقالت لي وانا جربتها وعجبت العيال موت
الخامات:
بيض
فلفل اخضر مقطع
جبنة رومي مبشورة
زيتون مقطع
طماطم مقطعة
ملح وفلفل

الطريقة:
يضرب البيض مع الملح والفلفل ويوضع في طاسة مدهونة سمنة او زيت ويوضع عليه باق الخامات وبعد ان تحمر نقلبها مثل الاومليت حتى يحمر الوجه الاخر
ثم تقدم للاطفال ..............وبالهناء والشفاء

يقلى البيض عادي ثم يعصر عليه نص ليمونوكمان عجبت الاولاد جدا وبيطلبوها بنفسهم
ممكن برده نعصر الليمون على البيض الاومليت

البيض المشوي
بنعمله بالطريقة دي
نحط في الطاسة نقطة زيت ونضع البيض في الطاسة بحيث تنزل كل واحدة مستقلة عن نفسها ونرش عليه ملح وفلفل ثم نغطيه
نهدي النار ونتركه حتى ينضج

رز بالبيض
الخامات:
بيض
رز
ملح وفلفل
ماء
بصل
عصير طماطم
الطريقة:
نحمر البصل ثم نضيف له الماء وعصير الطماطم(على حسب كمية الرز) والملح والفلفل والحبهان وبعد ان يغلي نضيف الرز ويقلب حتى يغلي ثم نغطي عليه ونهدئ عليه النار ولما الرز يدخل على تلتين سوا نعمل حفر ونسقط فيه البيض الني ونرش على وجه البيض قليل من الملح والفلفل ثم نغطي الحلة ونتركه حتى ينضج البيض والرز
وعند الغرف تأخذ البيضة بالرز اللي تحتها عمودي وتوضع في الطبق وياكلوها الاولاد على بعض