زيدونى علما ومعرفة ... إزاي اربى أولادي تربية سليمة ...؟

7
4

عايزة حد يساعدنى ويقولى ازاى اقوم بتريبة أولادى تربية سليمة وعلى أسس دينية واجتماعية وأخلاقية بالرغم من وجود العوامل الخارجية اللى بتأثر بالسلب دايما وبشكل واضح جدا فى تصرفاتهم

 

إضافة منذ 8 عام
tafatifi
5259
الكاتب الأصلي
تعديل منذ 21 يوم

المصدر

موقع زيدونى

التعليقات

زغباوية منذ 8 عام
حلو اوى السؤال ده وانا عن نفسى معنديش اجابة دلوقتى لانى كتير بحتار فى الموضوع ده
محمد عبد المنعم منذ 8 عام
السؤال ده جميل ومحتاج مكتبة الأسكندرية كلها عشان يتجاوب
الاستاذة منذ 8 عام
+1

الإجابات

7
أول وأهم حاجة ... بلاش تتفرجي على التليفيزيون بتاتا وهم موجودين ... طبعا أقصد القنوات الهلس بتاعت المسلسلات والأفلام وما شابهها من القنوات اللي الستات بيحبو يتفرجو عليها (كنوع من التسلية الرخيصة التافهة الغير مفيدة مع كامل احترامي) ... كفاية جدا قنوات الأطفال ... بعد فترة هتحبي تتفرجي انتي نفسك عليها ... بالشكل ده وبعد ما تقدري تقلعي عن العادة الهباب دي هتلاقي نفسك مبسوطة وعندك الوقت الكافي انك تعلميهم مهارات يدوية وفنية وخلافه وكمان التوجيه

دايما خليكي فاكرة كويس ان كل الأطفال بيحبو الحكايات ... ممكن تألفي شوية أو تدوري على شوية قصص فيها العبر اللي عايزه توصليها للأطفال

كمان مهم جدا جدا جدا توفير عمل ظريف ومفيد ودائم ومش بيكلف مجهود يشغل الوقت الفاضي بتاع الأطفال والأم في نفس الوقت

ملاحظة: حرصي من بعض برامج قناة نكلوديان
إضافة منذ 8 عام

التعليقات

tafatifi منذ 8 عام
جميل أوى . كمل جميلك بقى وقولنا على شوية أعمال ظريفة ومفيدة .
وبالنسبة لقناة نكلوديان بقى .... مالها ؟
محمد عبد المنعم منذ 8 عام
انتي قلتي جميل قوي ... جميل يعني تزوديني +1 ... قوي يعني تشجعي حد كمان يخش ويزود الإجابة +1
خليكي ورايا لحد ما أعمل مقال عن الأعمال المفيدة والمناسبة لكل سن معين للأطفال ... أو حاولي تبحثي انتي شوية بقى

بالنسبة لنكلوديان ساعات الكارتون اللي فيها (عشان أمريكاني) بيبقى مبحبحها شويتين
tafatifi منذ 8 عام
علم وينفذ يا فندم
safaa منذ 8 عام
دا أنا اللى هزودك ياباشا ...داأنت ياما ذوتنى ..وكفاية موقعك الجميل (زيدونى) خرج كل اللى عندى .. أشكرك شكرا جزيلا
الباشمهندسة منذ 8 عام
انا اول مرة اقرأ الاجابة دي ......وعلي فكرة حلوة
safaa منذ 8 عام
المفروض تقرأى بقية الاجابات..مش كده ولا اييييه
الباشمهندسة منذ 8 عام
لا ...... انا قصدي اشجع Monem بالذات اصلوا بيشتكي انو مظلوم وماحدش بيشجعه فقلت انا اقوم بالواجب ده
زغباوية منذ 8 عام
الراجل فعلاً مظلوم هو عمال يزود اى حد فينا ومحدش بيفتكره بنقطة وماشتكاش ولا حاجة فواجب علينا كلنا تشجيعه
الاستاذة منذ 8 عام
+1
7
- الابتعاد عن القسوة الشديدة والليونة المفرطة لان الليونة المفرطة لها أضرار جسيمة على مستقبل الأطفال وبناء شخصياتهم وأيضا القصوة الشديدة تؤدى الى تصرف الطفل بخشونة وغلظة واصابة بالعقد النفسية اعوذ الله منها.

- أحسن وسيلة لتربية الطفل هي التربية المهذبة الهادئة البسيطة.

- احترام شخصية الطفل لكى تغرسى لديه الثقة بالنفس ، والشعور بالراحة وتنمية مواهبه.

- غرس القيم الدينية والأخلاقية في شخصياتهم بصورة بسيطة كي يمكن للأطفال استيعابها ، كما أن من الضروري توجيههم نحو الالتزام بالقيم والتعاليم الدينية منذ الصغر . فقد روي عن النبي قوله : ( علموا أولادكم الصلاة إذا بلغوا سبعاً ، واضربوهم عليها إذا بلغوا عشراً وفرقوا بينهم في المضاجع) .

- يجب تعويد الطفل على العادات الحسنة حتى تكون جزءاً من شخصيتة كالالتزام بالمواعيد ، واحترام الكبار ، والصدق في الحديث ، والاهتمام بالنظافة ، والتعود علــى القراءة والمطالعة … الخ .

- يحتاج الطفل إلى الحب والعطف والحنان من والديه كأحتياجة إلى الطعام والشراب لبناء شخصية سوية غير مضطربة ولاقلقة .

إضافة منذ 8 عام
safaa
48113

التعليقات

tafatifi منذ 8 عام
كلام مظبوط وفى محله
بس فى غلطة فى السطر التانى
الاستاذة منذ 8 عام
+1
6


تربية الطفل تربية صحيحة مسئولية هامة تقع غالباً على عاتق الأم، فالهدف من تربية الطفل بشكل سليم هو الوصول بالأطفال للتربية المثالية، ولا يعد تربية الطفل أمر صعب، ولكنه يتطلب من الأم إتباع مجموعة من الأساليب عند تربية الطفل .




أساليب تربية الطفل تربية صحيحة:



•تحديد الأولويات هي أولى دعائم التربية الصحيحة للطفل، حيث يقع على عاتق الأم القيام بتحديد أولويات الطفل وذلك من خلال أن توازن الأم بين الاحتياجات والمسئوليات والرغبات المطلوبة منها؛ على أن تكون سلامة الطفل وراحته لها الأولوية الأولى لتحقيق التربية الصحيحة. كما يلزم الإشارة أنه خلال مرحلة تحديد الأولويات لابد وأن تراعي الأم أن تحقق ذاتها وعملها بجانب تربية الأطفال.


•مشاركة تجارب الطفل تعد من أهم أساليب وأسس تربية الطفل ؛ وذلك من خلال مشاركة الأم الطفل جميع تجاربه كأن تستمع وتشاهد مع الطفل ما يسمعه ويشاهده، على أن تحترم الأم ذكاء الطفل وتشاركه الأفكار والآراء في سبيل تنمية شخصية الطفل.


•وضع نظام ثابت للطفل أمر هام في ظل ازدحام الحياة بالعديد من المسئوليات، وبجانب تحديد نظام ثابت للطفل، لابد من مراعاة توفر عنصر المرونة لتنفيذ هذا النظام.


•متابعة الطفل ركيزة أساسية من ركائز التربية الصحيحة، فلغرس قيم كالأمانة والإخلاص، والصدق لدى الطفل لابد من المتابعة ومكافأة الطفل في حال تنفيذ تلك القيم.


•تشجيع الطفل من أهم عوامل نجاح الأم في تربية الطفل تربية صحيحة، ولابد من الحرص على تشجيع الطفل لتقوية مواطن القوة لديه والتغلب على نقاط الضعف، فالتشجيع يساعد الطفل ويحفزه ويدفعه دائماً للأمام.


•التواصل مع الطفل من أساليب التربية المثالية للطفل بأن يظهر الآباء حبهم للطفل، وأن يهيأ الآباء للطفل جواً يحمل الحب والألفة والحنان، مع الاستماع إلى الطفل والتقرب منه عند اتخاذ أي قرار يخصه، فالحوار مع الطفل عامل ضروري للتأثير في تربية الطفل.


•تعليم الطفل فالأبوين بمثابة الملقن والمعلم الأول، فمن خلال تواصل الأبوين مع الطفل ستكتشف الأخلاقيات الحميدة عند الطفل ويمكن ترسيخها في نفسه، وذلك عن طريق القدوة الحسنة التي يقتدي بها وينجذب إليها.


•تدريب الطفل منذ الصغر على أن يكتشف مواهبه بجانب المساعدته على تنميتها، وذلك في ظل التدريب على ثقة الطفل بنفسه ليصبح أكثر كفاءة وقدرة على مواجهة تحديات الحياة.

إضافة منذ 8 عام
TOOTOOMEX
6248

التعليقات

safaa منذ 8 عام
هايلة ياتوتو....بارك الله فيكى +1
TOOTOOMEX منذ 8 عام
ربنا يخليكى يا ست الكل
tafatifi منذ 8 عام
معلومات جميلة ومفيدة أوى بجد
وربنا يقدرنى وأعمل بيها
+111111
بسمة امل منذ 8 عام
بصراااااحة مفيدة
beroo منذ 8 عام
الله +1
الاستاذة منذ 8 عام
+1
0
- ارتياد المساجد بصحبة الأبناء في سن السابعة . 
- القيام مع الأولاد بصلة الأرحام ، والإحسان الى الجيران
- تعليم البنات حب الحجاب منذ الصغر . 
- التخطيط لشغل فراغ الأبناء . 
- تعليم البنات الخياطة أو مايناسبها . 
- تنسيق الرحلات المناسبة للأسرة والاهتمام بالمكان والبرنامج . 
- - ربط الأولاد بالمسلمين وقضايا المسلمين . 
- اصطحابهم عند فعل الخير ( توزيع الصدقات – جمع التبرعات ) . 
- إلحاقهم بحلقات تحفيظ القرآن الكريم
12- التحدث أمامهم بالفصحى ماأمكن . 
13- استثمار الأحداث التي تقع في الأسرة . 
14- توطيد العلاقات بالعائلات الطيبة لإيجاد البيئة المناسبة . 
- ملاحظة أن أفعال وأقوال الكبار تنعكس على الصغار . 
- معرفة أصدقاء الأولاد بطريقة مناسبة . 
- توحيد الطريقة بين الوالدين . 
- تدريبهم على العمل النافع . 
- أن يعوّد الأبناء على الأكل مما هو موجود على المائدة . 
إضافة منذ 22 يوم

التعليقات

لا يوجد
يلزم أن تقوموا بتسجيل الدخول حتى يتسنى لكم إضافة إجابة لهذا السؤال
zedony.com - A mmonem.com production. Privacy Policy