حسن التصرف

5
0
سوء التصرف مشكلة نعانى منها احيانا وفى الغالب يحدث هذا بحسن نية او لقلة الخبرة
كيف نتعلم حسن التصرف؟

 

التعليقات

د/الزغبي منذ 5 عام
قول سوء و لا تقول سؤ
حسن التصرف دى نعمه من عند ربنا
زغباوية منذ 5 عام
شكرا وتم التعديل يافندم
طيب واللى معندوش النعمة دى يفضل يضبش ولا هناك طرق واساليب للتعلم
د/الزغبي منذ 5 عام
صدقينى فى بعض الحالات انا اعرفها كويس
مافيش فيدة
safaa منذ 5 عام
قول فائدة ولا تقول فيدة .
زغباوية منذ 5 عام
100 100 ياصفية
safaa منذ 5 عام
اى خدمة ... احنا بس بنهدى النفوس
عبد المنعم منذ 5 عام
كلام د زغبى صح فعلا .. انا كمان اعرف ناس ياما سمعوا نصايح ولكن مفيش فايدة!!!
أم العيال منذ 5 عام
ليه بس كده ياجماعة الأحباط ده ,,كل حاجة وليها حل وكل حاجة ممكن إن الواحد يتعلمها بس المهم يكون هو عارف هدفه إيه
وأنا معاكي يازغباوية .....صحيح أنا ماعرفش الطريقة لكن أنا معترفة أن المشكله عندي وهابدأآخد بالي من تصرفاتي ومن كل كلمة بأقولها ...وربنا معانا

الإجابات

9
هناك مواقف تحتاج إلى حسن تصرف منا حتى لا يترتب عليها ما نندم عليه

حاولى أن تتعلمى لغة النقاش مع النفس 
قبل أن تبدأ بحوارك مع الآخرين .

لأنكى بشر فأنتى غير معصومة من الخطأ فتوخ الحذر 
عند الحكم على غيرك من البشر.

حسن الظن ينسكب كقطرات المطر 
فيطفئ نارا أشعلها الشيطان بالشك.

إلتمس لغيرك العذر بحسن الظن فيه .

إن رأيتى ما يسيئك لا تترددى بالسؤال
لمعرفة السبب و احذرى وسوسة الشيطان .

التزمى بحسن الظن حتى لا تُنصب نفسك
قاضيا و أنت المتهم.

الصفاء والهدوء النفسى وعدم الضغوط النفسية
سبب جيد لحسن التصرف.



إضافة منذ 5 عام
safaa
47463

التعليقات

tafatifi منذ 5 عام
بارك الله فيكى يا صاصا
6
تجربتى بتقول لك ما تعمليش حاجة وانت بتفكرى فى حاجة ثانية .. ضرورى التركيز على ما تقومين به بالفعل .. وتابعى ايديكى راحة فين وراجعة فين ..وما تبدئيش حاجة وتسبيها متعلقة ، لازم تنهى ما بدأتيه .. وانت راحة جاية فى شقتك اصحى دائما لرجليكى ماشية ازاى واكتافك هتتحك فى ايه !!

دول كلمتين بساط ... لكن الحياة اليومية مليانة مواقف .. عموما يجب ان يكون الانسان فى حالة تيقظ وصحصحة ووعى طول ماهو صاحى ... ولو عودتى نفسك على تكرار متابعة الكلمتين البساط اللى فوق دول كل يوم كل يوم لمدة 3-4 ايام اعتقد ان ده هيجيب نتيجة
إضافة منذ 5 عام

التعليقات

أم العيال منذ 5 عام
أيوه كده حلوة النصايح دي أحسن من انك ياعيني تقعد تتريق عالبونية وتحبط فيها
محمد عبد المنعم منذ 5 عام
أخيرا قريت كلام انت كتبته بنفسك ... فينك من زمان
زغباوية منذ 5 عام
انا بتكلم عن حسن التصرف فى التعامل مع الناس واعتقد ان ده محتاج الى سرعة بديهة وسرعة فى التفكير واتخاذ القرارات المناسبة فى الوقت المناسب وهل لو محدش عنده الملكة والطبع ده هل من السهل تعلمه ام مفيش فايدة كما تقول انت و د/ الزغبى
عبد المنعم منذ 5 عام
الالتزام بالتدريب يوميا .. هتتعبى شوية لكن النتيجة ايجابية .. انا باعمل كده .. حتى النسيان ، ما تسمحيش بوقوعه بانك ترجعى شريط الاحداث حركة بحركة من غير ما تحسى بالزهق او الملل .. باختصار :فان حسن التصرف يحتاج الى تدريب يومى وكذلك تحسين الذاكرة ..
3
رد Safaa جيد جدا
وليس من الضروري الرد المتسرع في وقت الحوار بل الأثوب منه هو الرد الصحيح ولو بعد حين
إية الفايدة نقل كلام نندم عليه (عدم الرد أثوب)
وهدا من التحلي بالصبر
وأرجع و أأول
في السرعة حلاوة وفي التسرع ندامة
إضافة منذ 5 عام
حســن
1803

التعليقات

عبد المنعم منذ 5 عام
ياحلاوتك ياسى حسن!!!
4
كتير بيحصل لكل واحد مننا مواقف مهمة وبارزة ومتتنسيش وبنتصرف فى المواقف دى بتلقائية وبمجرد الموقف ما ينتهى نقعد نفكر فيه تانى ونقول ياريت ما كنت قلت كده أو ياريتنى عملت كذا أو اتصرفت بشكل تانى .... بس بيكون الموقف خلص وعدى ... لو احنا دايما بقى نفتكر المواقف دى ونراجعها فى دماغنا أكيد هيكون عندنا حسن تصرف فى مواقف تانية مشابهة.
إضافة منذ 5 عام
tafatifi
5219

التعليقات

زغباوية منذ 5 عام
ايوه هو ده اللى قصدى عليه المواقف المهمة والمفاجئة وخصوصا مع حد غريب
عبد المنعم منذ 5 عام
لازم اولا تعودى نفسك ان تكونى جسورة غير هيابة .. وعلى فكرة دى اساس قوة الشخصية ..وتكونى عارفة معنى الكلام اللى بتقوليه .. وضرورى التعود على الحوار فى جماعة .. وانا باشوفك لبقة وسريعة الاستجابة ومن غير تزويق .. ودا شئ جميل جدا ..
زغباوية منذ 5 عام
طيب نزودك ازاى حطهالنا فى اجابة
3
احنا بنقول .. ورزقنا على الله ..
إضافة منذ 5 عام

التعليقات

زغباوية منذ 5 عام
لا حضرتك ده تعليق والاجابة انت عملتها تعليق اعكس لو سمحت
حســن منذ 5 عام
الأجابة في أول خمس ثواني بعد القرائة (مش نشتهجى)

في سباق درجات
لو التالت طلع من التانى؟ يبأى رقم كام؟
عبد المنعم منذ 5 عام
يااااااااه شديدة قوىقوىقوى ياحسن !!!!
يلزم أن تقوموا بتسجيل الدخول حتى يتسنى لكم إضافة إجابة لهذا السؤال
zedony.com - A mmonem.com production