افكار لوجبات للأطفال فى المدرسة

5
2
عايزة افكار جديدة لوجبات او ساندوتشات للاولاد ياخدوها معاهم المدرسة غير ساندوتش الجبنة والمربى والحلاوة والأكلات التقليدية علشان الاولاد مايزهقوش


 

إضافة منذ 8 عام
غير محدد
تعديل منذ 3 شهر

التعليقات

الاستاذة منذ 8 عام
لسه كنت هاسأل نفس السؤال
لاني زهقت من السندوتشات اللي بترجع مع الاولاد
فياريت اللي عنده حل يسعفنا بيه
loleta1 منذ 8 عام
حلو السؤال+1وأجابته تحت بس المهم أنك تنوعى مابين التقليدى والغير تقليدى فى حدود وقتك وأمكانياتك

الإجابات

8
قبل ماتعملى السندويتشات لازم تعرفى ميول طفلك لأيه يعنى فى أطفال بتحب اللحوم عن الأكل الخفيف ممكن تعملى:

ساندويتشات شوكلاته مغذيه وتدى طاقه وحاجه حلوة.
ساندوتشات هوت دوج متقطع فتافيت ومتشوح مع بصل وفلفل.
ساندوتشات تونه متصفيه كويس من الزيت وأضيفى لها مايونيز.
سانوتشات بطاطس بيوريه متبله أوبطاطس بانيه.
ساندوتش لحمه مفرومه متشوحه مع الفلفل والبصل والصلصه زى اللى بنحطها فى المكرونه البشاميل.
ساندوتشات زبدة الفول السودانى وزبدة الفسدق وهى من أكتر الحاجات المفيده للأطفال وتباع فى المحلات الكبرى وبأشكال وأحجام مختلفه.
ساندوتش توست باللانشون أو التونه واللبنه.
ممكن تعملى فرنش توست وهو[(بيضه+بياض بيضة+ملعقة عسل+ملعقة نشا+ملعقةسكر بودره+فانيليا+1/4ملعقه ص قرفه) يخلطوا جيدا ويغطس فيهم شرائح التوست لتتشرب ثم تشوح فى صينيه مدهونه زبده حتى تحمر من كل وجه وتكون طريه ومقرمشه من بره]
ممكن نعمل كفته شامى وهى[(لحم مفروم+بصل+توابل)يفرموا جيدا وتشكل صوابع وتسوى فى القليل من الماء مقطع فية شرائح طماطم وفلفل وكل شويه نضيف لها ميه لحد ماتستوى.
ممكن نعمل بيتزا حجم صغير منوعة الحشو فتكون أنضف وأكثر تغذيه ويحبها الأطفال.
ممكن تنوعى فى أنواع الجبنه زى الجبن السايح والشيدر والموتزاريلا وتنوعى فى نوع العيش فينو شامى توست.

الأهم أنك توفرى وقت عشان تعملى الكلام ده لأننا كلنا كسالى وكمان أذا كان ده فى حدود أمكانياتك
إضافة منذ 8 عام
loleta1
14181

التعليقات

محمد عبد المنعم منذ 8 عام
+1
الإجابة دي هتخليني أنشر السؤال وإجابته على الفيس بوك
زغباوية منذ 8 عام
لا يالوليتا براحة عليا شوية الافكار كلها حلوة بس فعلا الواحد كتير دماغه بتقفل على اللى متعود عليه
وقوليلى ايه الكفتة الشامى دى
والتوست الفرنش بيطلع شكله ايه يعنى طرى ولا ناشف
وزبدة الفول السودانى اجيبها منين وممكن تعملى تعديل لإجابتك وتحطى فيها اخر تعليقين
زغباوية منذ 8 عام
وانا كمان هانشره ياريس
loleta1 منذ 8 عام
عدلت الأجابه ورديت عليكى كمان
زغباوية منذ 8 عام
شكرا ياقمر تسلميلى
الاستاذة منذ 7 عام
ما ارجعش انا بالزمن وادخل المدرسة وتعملولي الحاجات دي علشان اتغذى اكتر ما انا متغذية
+1
loleta1 منذ 7 عام
ياسلام تعالي وانا هخليكي تبقي وزة ولوزه جميلة كمان
saso منذ 7 عام
حلوى اوى اوى الاجابة دى شكرا
الاستاذة منذ 7 عام
العملية مش مستحملة تخليني وزة لاني وزة متغذية زيادة عن اللزوم 524 قياط
اصل بيني وبين الاكل تار وحش قوي ودايما باخدوه منه
3
ساندوتش الطاقة الزغباوى للأطفال
ده من اختراعى قولولى رايكم ايه ؟
زبدة واسيحها شوية واحط عليها بلح وحلاوة لغاية ماتسيح الحلاوة شوية وبعدين جبت عيش شامى وقسمته وش وظهر يعنى يكون دائرة وفرشت الخليط السابق عليه وبرمته علشان يشبه الرسالة ولفيت نصفه التحتانى بمناديل ورق او ورق الساندوتشات علشان مايلزقش فى ايديهم وطبعا حبة اعلانات منك عن الساندوتش هاتعملهم تشويق
بس خلاص
وممكن تضيفى عليه فراولة او موز او زبيب اى حاجة يحبها طفلك

اهم حاجة ان الولاد كالوه ومارجعوش بالساندوتش

ممكن نستغنى عما سبق بساندوتش الحلاوة الشيكولاتة او الشيكولاتة او حتى الجبنة بس طريقة اللف طريقة مختلفة وبالنسبة للاطفال سهلة وبسيطة(الاطفال مش بيحبوا الحاجات الكبيرة) وشكلها جذاب وبتتعمل كمان من العيش البلدى فكدا يكون مفيد اكتر
إضافة منذ 8 عام

التعليقات

safaa منذ 8 عام
حرام عليكى .. ثقيل قوى البلح مع الحلاوة ..طيب خليها مرة بلح ومرة حلاوة.. وتقولى العيال مش بتأكل!!
زغباوية منذ 5 عام
ما هما كلوها المرة دى وبعدين مش بحط بلح كتير دى بلحاية او اتنين متقطعين صغير وبعدين خليهم يتغذوا
10
انجح طريقة تشجع طفلك على أن يأكل طعامه هى تحضيره بطرق متنوعة. وهى أن تجهزى ذلك بمساعدة طفلك، فالأطفال يفضلون الطعام الذى يختارونه ويشاركون فى تجهيزه.

تجنبى اختيارات آخر لحظة والتى عادةً لا تكون صحية، فكرى مسبقاً فى وجبات الأسبوع كله وجهزى وجبة كل يوم فى الليلة السابقة إن أمكن.

اعرفى على ما يحبه أطفالك، وخذيهم معك إلى السوبر ماركت عند شرائك للبقالة واجعليهم يختارون الأطعمة التى تعجبهم. ولكن ضعى فى اعتبارك الإرشادات الغذائية السليمة، فبذلك سيستطيعون فى يوم من الأيام اختيار الوجبات الصحية بأنفسهم. 

الاختيار الجيد للوجبات يساعد الأطفال على التركيز، ويحسن من مستوى تحصيل الطفل مثل البروتينات، والبقول، والفواكه والخضروات، ومنتجات الألبان والخبز (خاصة الخبز المصنوع من الحبة الكاملة)،، ال"كاب كيك"، والمقرمشات.

احرصى أيضاً على أن تتضمن الوجبة عصائر طبيعية 100%، أو ثمرة فاكهة طازجة.

حاولى إضافة الخضروات للسندوتشات أو ضعى بعض أصابع الجزر والخيار فى كيس أو علبة نظيفة.

حاولى زيادة الكالسيوم الذى يتناوله طفلك بإضافة الجبنةبانواعها المختلفة.

نوعى من وقت لآخر فى الوجبات المدرسية حتى لا يمل طفلك.
ابحثى عن طرق مبتكرة لتقطيع الأطعمة وتجهيزها، وتأكدى من أن الأطعمة التى تعطينها لطفلك سهلة التناول .

لا تنسى إضافة زجاجة أو ترمس ماء.

جربى أنواع مختلفة من حشو السندوتشات وأشكال مختلفة من الخبز، فيمكن استخدام التوست أو ال"بتى بان"، أو الكيزر.

يمكنك أيضاً وضع علبة بها بعض سلاطة الفواكه.

البيتزا تعتبر بديل جيد.من وقت لآخر،.

ضعى لطفلك مفاجأة فى علبة طعامه مثل ستيكر، أو بسكويته المفضل. فهى لفتة ظريفة تشعر طفلك أنك معه حتى وهو فى المدرسة. 

اختارى علب الطعام أو الأكياس المعزولة لكى يحفظ الطعام فى درجة حرارة مناسبة، كما يجب أن تقومى بغسل علبة الطعام كل يوم
إضافة منذ 8 عام
safaa
48063

التعليقات

زغباوية منذ 8 عام
نصايح مفيدة وفى محلها ومن اجل هذا التنوع كتبت هذا الموضوع يالا فكريلنا فى كام وجبة حلوة كدا اعملهالهم
safaa منذ 7 عام





أم العيال منذ 7 عام
حلوة قوي دي أنا فعلا ما كنتش قريتها قبل كده
4
بيتزا الكسلانين والمستعجلين
تجيبى القرص او الفطير المدور من الفرن او شرائح توست وتقسميه وتضيفى له الحشو اللى انتى عايزاه زى اليتزا بالضبط و5 دقايق تحت الشواية وتكون جاهزة
إضافة منذ 8 عام

التعليقات

لا يوجد
7
ممكن تعطى لهم ايضا الفواكه المجففة .. هى صحية ولذيذة .. ذى المشمش ، الزبيب ، التين ، البلح.
وايضا الذرة المشوى او الفشار.
كذلك الحمص والفول السودانى المقشور.


إضافة منذ 8 عام
safaa
48063

التعليقات

محمد عبد المنعم منذ 8 عام
والترمس بقولوا مفيد جدا للاطفال
زغباوية منذ 8 عام
ممكن نحطها اجابة بس كدا مابقتش وجبات مدرسية دى بقت رحلة خلوية
3
يا جماعة احنا عايزين حاجات الاولاد ياكلوها في المدرسة مش يرجعوا بيها
لاني بعاني قوي من كده معظم الحاجات يرجعوا بيها مش بيكلوها
إضافة منذ 8 عام

التعليقات

زغباوية منذ 8 عام
وانا كمان لحد ماتعقدت
زغباوية منذ 8 عام
طيب جربى تديهم نصف الكمية انا بعمل كدا اليومين دول
5
ليه كده بقى
يعنى انا كنت ناوية أكتب أفكار كتير وكل اما اقرا اجابة او تعليق الاقى فكرة من افكارى
طب أرد اقول ايه انا
بس ممكن اقول ان فكرة التونة حلوة وانا جربتها وكمان الفراخ البانية والبيتزا
وعموما التغيير فى حد ذاته كويس وبيشجع الأطفال على الأكل سواء فى المدرسة او البيت
إضافة منذ 8 عام
tafatifi
5254

التعليقات

محمد عبد المنعم منذ 8 عام
والله زمان
زغباوية منذ 8 عام
علشان بقالك كتييييييييييييير مادخلتيش
الاستاذة منذ 8 عام
ياه انتي اخيرا ظهرتي
حمد الله على السلامة
ونورتي زيدوني
الباشمهندسة منذ 8 عام
ياااااااااا tafatifi فينيك من زمااااان ليكي وحشة
safaa منذ 8 عام
نورتينا ..وحمدا لله على سلامتك
5
ساندوتش البيض

المقادير:

٣ حبه بيض
ربع كوب حليب
١ م-ك بقدونس مفروم
١٤ جرام زبدة
٢ خبز انجليزي
الطريقة:

طريقه عمل ساندوتش البيض بخبز المافن الانجليزى

يكسر البيض و يوضع في اناء عميق

ثم يضاف اليه الحليب و البقدونس و يخلط جيدا بالملعقه حتي تمتزج المقادير

و من ثم توضع الزبدة في مقلاه علي النار و تترك حتي الذوبان

و من ثم يضاف خليط البيض في المقلاه بدون تقليب و يترك حتي ينضج البيض

و من ثم يوضع البيض المقلي في الخبز المجهز

و يقدم ساندوتش البيض بخبز المافن للاطفال

و بالهناء و الشفاء
إضافة منذ 7 عام
saso
1686

التعليقات

safaa منذ 7 عام
جميلة+1
زغباوية منذ 7 عام
+1 تسلم ايديكى
زغباوية منذ 6 عام
ودى صورة لخبز المافن:
5
ممكن تعطى لهم مع الوجبة المدرسية شرائح من الجزر مع خيار واوراق الخس

وممكن كمان سمسمية او سودانية مغلفة

إضافة منذ 7 عام
safaa
48063

التعليقات

زغباوية منذ 7 عام
+1
tafatifi منذ 7 عام
لأ كده بقى هنلزق الدنيا

safaa منذ 7 عام
ما انا بقول مغلفة ياانوسة
tafatifi منذ 7 عام
آه ان كان كده ....... ماشى
2
انا جوعت اوووووووووووووووووووووووووووووووووووووووووووى:-(
إضافة منذ 7 عام
yara
1736

التعليقات

MaDa منذ 7 عام
يعني عايزاهم يعملوا حسابك في السندوتشات ولا ايه ؟
MaDa منذ 7 عام
:D:D
yara منذ 7 عام
ههههههههههههه اة بس لازم اختار نوع الشندوشتااااااااااااتتت وياريت تبقى لحمة هههههه:-P
MaDa منذ 7 عام
هههههههههههههههههههههه ينهار ابيض على الطفاسة .. طيب قولي جبنة رومي 😃
yara منذ 7 عام
انا جعاااااااااااااانة وعاوزة لحمة لو ماكلتونيش هوديكو فداهية بس هه
MaDa منذ 7 عام
انا مش هجيبلك حاجة .. خلي المعمورة تنفعك .. عشان تحرمي تسافري وترجعي ومتفتكريناش بأي حاجة 😃
loleta1 منذ 7 عام
تعالي ياحبيبة قلبي وخدي اللي أنت عايزاه بس مش تعيطي لحسن أعيط جنبك والموقع يغرق ويروح فداهية فعلا ، ويامادا شي إز أ ليدي حد يعامل ليدي بالطريقه دي ،أمال الجنتلة راحت فين؟؟؟ انت تديها السندوتش وتحط فيه زلطة ففي السفرية الجاية تفتكرك على طول ههههههههههههههه:-D
MaDa منذ 7 عام
ههههههههههههههههههههههههههه دانا هحط فردة كوتش 😃
yara منذ 7 عام
ياصلاااااااااة النبى ّ!!!!!!!!!!!!!!!!!!! وانا الى فكراكى صحبتى؟؟ بتتفقوا عليا؟ بقا كدة؟ زلطة وفردة كوتش اية الحب دا كلة؟ طيب انا مش واكلة حاجة منك يا مادا والمرة لجاية هخدك واغرقك هناك:-P 😛
زغباوية منذ 7 عام
يايارا فاكراكى كتبالى فكرة جديدة
طيب ياستى لو نعيد الزمن تحبي تاخدى معاكي فى المدرسة اكل إيه؟؟؟:(
MaDa منذ 7 عام
اللي عندك اعمليه 😛
MaDa منذ 7 عام
10 لحمة و10 كفتة و 10 برجر و 10 جبنة رومي وكيلو مخلل و4 زمزميات وإزازتين عصير وباكو لبان :D:D:P
ويارب تشبع 😛
loleta1 منذ 7 عام
إيه ده يعني ثقب الأوزون طلع في بطنك يايارا ،شكرا يامادا على تصحيح المعلومات ههههههههههههههههههه
عموما إحنا ناخدك نعملك بنطه عند بتاع الكاوتش هتبقي فله ،وأوعي تزعلي منّي يايارا ده إنتي حبيبتي:-( ومن الحب ماقتل ههههههههههههه:-D
MaDa منذ 7 عام
هههههههههههههههههههههههههههههه
زغباوية منذ 7 عام
واضح انك حبيبة الكل يايارا هههههههههههههه معلش معلش ده حقد دفين
yara منذ 7 عام
ههههههههههههههههه حقد بس؟ دا طلع حقد وغل وياخرااااااااااشى بس ولا يهمك تعالوا بقا اما اقولكم لما طنط وفاء بتعزم مادا بنعمل ايييييييييية خدوا عندكم بقا 50 فرخة و50 بطة و50 وزة و50 ديك رومى ومحشى وشربة وملوخية ورقاق وجلاش وكدة ولما بحب نخلية يحلى بنروح علند اى محل حلويات وهوا بيقوم بالواجب مش كدة يا مادا ههههههههههههههههههه:-P 😛 😛 😛 😛 :-Pدا انا هوريلككككككككككككككككك ههههه من الحب ما قتل باة
MaDa منذ 7 عام
اللي يشوفني عمره ما هيصدق اني باكل ده كله والجثة موجودة وتقردا تعاينوا بنفسكوا ههههههههههههههههههههههههههه .. بس طبعا خالتو وفاء دي حبيبتي لما بروح هناك مبتبقاش عارفة تعمل ايه ولا ايه .. وبعدين خالتو وفاء اللي بتعمل انتي بقى عملتيلي ايه ها ها قولي قولي ههههههههههههههههههههههههه :D:P
yara منذ 7 عام
ههههههههه اخص عليك يا مادا انا مش بعملك امال مين الى عمللك التورة والبسبوسة والكنافة يا وحش؟ بقا كدة ؟
MaDa منذ 7 عام
والله ولا حتى زلابيايا واحدة هههههههههههههههههههههههه ( زلابيا : لقمة القاضي يعني ) :D:P
زغباوية منذ 7 عام
اوبا ليه التسيح ده بقى:(
loleta1 منذ 7 عام
وفي ختام القصة إكتشف إن يارا هي اللي بتاكل أكل مادا وإن مادا رفنتع وأن يارا تتهم مادا بأكل الأكل زي القطط ولا بيبان عليه وإن مادا يتهم يارا بإنها ولا بتعمله زلابيايا واحده ويبقى الحال على ماهو عليه ويستمر الجدال ويتوغل وينتشر وووووو

الراوي:لوليتا1
هههههههههههههههههههههههههه:-D
MaDa منذ 7 عام
ههههههههههههههههههههههههههههههههههههههههههههههه عسل يا لولي :D:D
عادي بقى يا زغباوية هي اللي بدأت 😛
1

إضافة منذ 3 شهر

التعليقات

لا يوجد
1
إضافة منذ 3 شهر

التعليقات

لا يوجد
يلزم أن تقوموا بتسجيل الدخول حتى يتسنى لكم إضافة إجابة لهذا السؤال
zedony.com - A mmonem.com production