ممكن تضيفو كمان غير اننا شعب همجى اننا شعب مش بيحب الا نفسه وبس ومصلحتى اولا وبعدين الناس مش مشكلة , يعنى مجرد انه يتسرب خبر ان السكر ها يغلى اول الشهر سبحان الله تلاقى السوق كله غلى ولو عاجبك تشترى ولو مش عجبك ما تشتريش حتى لو هو لسة سعره ما ارتفعش اصلا من مصدره , وكمان فى حاجة بصوا وشوفوا الناس بتعمل ايه مع ولادها يعنى مثلا لو واحد عنده بنت للجواز يتشرط ويتحكم فى العريس ويتدخل فى كل حاجة ومثلا يقول انا بنتى ما تسافرش معاك وتسيب مامتها والكلام دة , مع انه لية ابن تانى ولما يجى يجوزه ما يقبلش ان حماه يعمل فيه كدة ولا زوجة ابنه تدخل بالشكل اللى هو بيدخل ينته فيه ويقول لا بنه لاء انت الراجل لازم تسمع كلامك وتكون مطيعة وتروح معاك اى حتة , ربنا يهدى الشعب بتاعنا علشان شعب همجى , مصلحجى مستغل للظروف , معندوش احساس بالخطأ , وفى نفس الوقت كريم وجدع , يمكن علشان كدة بيقولوا علينا ام الدنيا علشان فيها كل حاجة صح , حتى الخطأ اللى موجود بيكون خطأ صح يعنى اللى بيسرق بيسرق صح وينهب صح مش سرقة اى كلام, لو شيلنا العيوب اللى فينا دى من غير كلام هنكون احسن بلد فى الدنيا.
التعليقات