الصداقة .....شئ جميل ورائع بس هل فعلا زي ما بعض الاقوايل بتقول ان الخل الوفي دا من الخيال ... ليه مبقاش فيه اصدقاء اوفياء اللي ممكن يهتموا ببعض ويخافوا علي بعض زي الاخوات وليه الصداقات اللي الواحد بدأها من سن الطفولة ومن الجامعة مابقيتش زي الاول صحيح اصحاب بس من غير روح الصداقة يعني بنسأل علي بعض في المناسبات والاعياد والاجتماعيات العامة دي لكن مفيش حد شايل هم حد ولا بيفكر غير في نفسة ليه ؟ ... الدنيا اتغيرت كتير انا أعرف ناس مازلات صداقتهم دائمة ومرتبطين ببعض في كل حاجة واكتر من الاخوات واسرهم بترتبط ببعض واولادهم هما كمان بيطلعوا أصحاب ويتموا حلقة الصداقة .... ياتري العيب فين فينا ولا في الدنيا ولا في الواحد ولا في الزمن ... انا مش عارفة؟
ومن اجمل الابيات التي كتبت عن الصديق والصداقة كلمات الامام الشافعي
اذا المرء لم يرعاك الا تكلفا …. فدعه ولا تكثر عليه التاسفا
ففي الناس ابدال وفي الترك راحة …. وفي القلب صبر للحبيب ولو جفا
فما كل من تهواه يهواك قلبه …. ولا كل من صافيته لك قد صفا
اذا لم يكن صفو الوداد طبيعة …. فلا خير في ود يجيء تكلفا
ولا خير في خل يخون خليله …. ويلقاه من بعد المودة بالجفا
وينكر عيشا قد تقادم عهده …. ويظهر سرا كان بالامس قد خفا
سلام على الدنيا اذا لم يكن بها …. صديق صدوق صادق الوعد منصفا الامام الشافعي