قول الحق والخير ولو لم يسمعه احد........"عليك الآذان وعلينا البلاغ"

2
0
بتستوقفنى اوى هذه القصة حيث أمر الله تعالى سيدنا ابراهيم عليه السلام بأن يصعد على الجبل ويؤذن فى الناس بالحج .

فقال إبراهيم : يا رب كيف ولن يسمعنى أحد فى هذا المكان القفر ؟

فقال الله له: يا إبراهيم ، عليك الآذان وعلينا البلاغ ...

وها هى ملايين الحجاج تحج بيت الله الحرام مستجيبة لأذان إبراهيم عليه السلام .

كيف بلغهم الأذان من أعماق الصحراء ؟!

سبحان الله ......انها تدابير الله عز وجل

قال الله تعالى:
وَأَذِّن فِي النَّاسِ بِالْحَجِّ يَأْتُوكَ رِجَالًا وَعَلَى كُلِّ ضَامِرٍ يَأْتِينَ مِن كُلِّ فَجٍّ عَمِيقٍ ﴿٢٧﴾.....سورة الحج

طيب نتعلم منها ايه ؟؟؟؟

بالنسبة للحق والدين والأعمال الصالحة: نتعلم منها اننا نعمل ونقول الحق ونذكر الناس به ونأمر بالمعروف وننهى عن المنكر معذرة الى الله ولعلهم يرشدون

وبالنسبة للمجتمع وتنميته: ان لو عندك فكرة حاسس انها هاتفيد الناس وتفيد المجتمع وتصلحه قولها واسعى لتحقيقها حتى لو كل الناس مفسدين او هايسخروا منك او قابلت كل المحبطات الموجودة الأن في مجتمعاتنا

طيب ليه وجع القلب ده كله: لان الله جعلنا نحن البشر خلفـــــــــــاءه فى الأرض وعلينا تعميرها واصلاحها ...ولأن اغلب الناس دلوقتى وخصوصاً فى مجتمعاتنا العربية والاسلامية همهم الوحيد هو هايجبيوا فلوس منين ويحسنوا معيشتهم ازاى وده مش عيب على فكرة بس العيب انه يكون هو هدف حياتك الوحيد او هو ده بس اللى انت عايش علشانه .....

أَوَلَمْ يَعْلَمُوا أَنَّ اللَّـهَ يَبْسُطُ الرِّزْقَ لِمَن يَشَاءُ وَيَقْدِرُ إِنَّ فِي ذَلِكَ لَآيَاتٍ لِّقَوْمٍ يُؤْمِنُونَ ﴿٥٢﴾...الزمر

طيب فين بقى مهمتك الأساسية وهى اصلاح الأرض ؟؟؟؟؟؟
انت بس ابدأ وربنا شايفك وسامعك وعارف نيتك ومالكش دعوة ولو اتأخر شوية ولو انت مش عارف ومش شايف نتيجة للى بتعمله ربنا بيدبر الأمر ليك ولغيرك وفوق خيالك وتفكيرك وفي الأخر هاتلاقي النتيجة في الدنيا وفي الآخرة

قال الله تعالى:
وَذَكِّرْ فَإِنَّ الذِّكْرَى تَنفَعُ الْمُؤْمِنِينَ ﴿٥٥﴾ وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ ﴿٥٦﴾ مَا أُرِيدُ مِنْهُم مِّن رِّزْقٍ وَمَا أُرِيدُ أَن يُطْعِمُونِ ﴿٥٧﴾ إِنَّ اللَّـهَ هُوَ الرَّزَّاقُ ذُو الْقُوَّةِ الْمَتِينُ ﴿٥٨﴾...سورة الذاريات

 

إضافة منذ 10 عام
الكاتب الأصلي
تعديل منذ 8 عام

التعليقات

زغباوية منذ 8 عام
ياه انا كنت محتاجة اقرا الكلام ده ..
zedony.com - A mmonem.com production. Privacy Policy