طبعا انتوا هاتنزلوا الجدول تضيفوا فيه وتشيلوا منه كل واحد حسب الواجبات المطلوبة من طفله وحسب السلوكيات المطلوب تعديلها وعلى حسب سن الاطفال وايه اللى عايزينه يتعلموه
ونحط صح او غلط امام كل سلوك او واجب قام به الطفل
ونعمل ثواب وعقاب يومي واسبوعي حسب الاتفاق بينكم فى الاول يُفضل ان الثواب او العقاب يكون يومي علشان الولاد تنجز وتكون متشوقة لعمل هذا النظام وخصوصا لو الاولاد صغيرة شوية
ميزات الجدول: 1- انك مش هاتزعقى طول النهار كل واحد فيهم عارف وراه ايه وهاينفذه او لا براحته يا هاياخد المكافأة او هايتعاقب
2- مفيش ضرب خالص ولا فى العقاب العقاب بيكون حرمان من لعبة بيحبها او خروجة
3- بيعلم الاولاد النظام
4- بيخلي الولاد متعاونين وبيخرج الايجابيات اللى جواهم
5- بيعلم الولاد المسئولية والاعتماد على النفس
ده جدول لأيام الدراسة ممكن تعملوا جدول للأجازة وتدخلوا فيها الانشطة المطلوبة من الطفل بس حبيت اديكم فكرة عامة عنه
ودى صورة توضيحية للجدول وطبعا كل واحدة فيكم بتزود او تنقص النشاط او السلوك المطلوب من اطفالها
يارب يعجبكم {{uf:1899}} {{uf:2028}}