لغـــة الفرانكو

انا كنت من اللي كانوا بيستخدموا الفرانكوا خصوصا في رسائل الموبايل ، لان زمان و ما زال لما نكتب رساله هنلاقي ان الرساله الواحده فيها 140 حرف انجليزي ، بينما العربي فيها 70 حرف ، و برضه من احد الاسباب ان العرب اللي في البلاد الاجنبيه ماكانش عندهم كيبورد عربي ، فكانوا بيكتبوا فرانكوا ... و من هذا الشباب اخترعت الفكره ديه

الاختصارات برضه كانت احد الاسباب عشان نقلل عدد الحروف قدر المستطاع ، زي مثلا كلمه lol او BRB او cu ... و حاجات كتير كده

دلوقتي فيه ناس بتقولك انا مش عارف مكان حروف العربي في الكيبورد عشان كده بكتب فرانكو ، و فيه ناس بتكتب فرانكو عشان ابوهم او امهم ما يفهاموش هما كاتبين ايه

و فيه قصه مش متاكد من صحتها ، ان اول ناس استخدمت الفرانكوا هما الاوربيين ، ساعتها كان فيه حرب ما بين فرنسا و بريطانيا ، ف حد فيهم كتب فرانكوا كنوع من الشفره عشان الطرف التاني ما يعرفش هو كاتب ايه